მორიგი მარცხი და 1 ქულა 15 შესაძლებლიდან - ასეთი შედეგი საქართველოს ნაკრებს ვაისის ეპოქაშიც არ ჰქონდა [VIDEO]

AutoSharing Option
AUTO PLAY
მსოფლიოს ჩემპიონატის შესარჩევი ტურნირის მეხუთე ტურში საქართველოს ნაკრები გასვლაზე ესპანეთთან 0:4 დამარცხდა.

შვედეთთან დამარცხებული ესპანეთი სატურნირო თვალსაზრისით არასახარბიელო სიტუაციაში აღმოჩნდა, მწვავედ გააკრიტიკეს და ამ მატჩში გამარჯვება ჰაერივით სჭირდებოდა. ფიფას რეიტინგში „ფურია როხა“ მე-7 ადგილზეა, საქართველო - 91-ეზე, კლასში სხვაობა უზარმაზარია და თანაც, ისინი საკუთარ მოედანზე თამაშობდნენ. რაც ყველაზე სამწუხაროა, ჩვენს გუნდს შეტევაში წამყვანი ფეხბურთელები აკლდნენ და ამან სერიოზული პრობლემის წინაშე დააყენა მისი მწვრთნელი სანიოლი. რა თქმა უნდა, ეს ის ძველი ესპანეთის ნაკრები არ არის, მაგრამ რაც უნდა იყოს, მაინც გრანდია,
მით უმეტეს ჩვენთვის. იქაური მედია აღნიშნავდა, რომ შეცდომის უფლება აღარ ჰქონდათ და სავალდებულო გამარჯვების მოპოვება მართებდათ.

რბილად რომ ვთქვათ, სანიოლმა სასტარტო შემადგენლობის შერჩევით გაგვაკვირვა. აღსანიშნავია, რომ მოთელვაზე ლობჟანიძე დაშავდა და დავითაშვილმა შეცვალა.

როგორც მოსალოდნელი იყო, მასპინძლებმა თავიდანვე დიდი ძალებით შემოგვიტიეს, ცალკარა თამაში წავიდა და დაწინაურდნენ კიდეც - გაიას დარტყმული ბურთი კაშიას მოხვდა და რიკოშეტით ლორიას კარში გავიდა. შემდეგ სოლერმა ლორენტეს პასით ანგარიში გაზარდა. საქართველოს ნაკრები კონტრიერიშების განხორციელებას ვერ ახერხებდა, რაც მისი ზედმეტად დაცვითი შემადგენლობიდან გამომდინარე, გასაკვირი არ გახლდათ. 33-ე წუთზე გაიამ დალაშქრა ლორიას კარი, მაგრამ მსაჯმა თამაშგარე მდგომარეობა დააფიქსირა. შესვენებამდე მაინც გაიტანეს ესპანელებმა მესამე გოლი და ისედაც აზრდაკარგულმა შეხვედრამ საერთოდ აზრი დაკარგა. ამჯერად ფერან ტორესმა დაგვამწუხრა.

მეორე ტაიმის დასაწყისში ჩვენმა გუნდმა შეუტია, თუმცა დავითაშვილის გარღვევასა და აზაროვის დარტყმას შედეგი არ მოჰყვა. მერე დავითაშვილს სიმონმა არ დაანება გატანა, ხოლო სწრაფი კონტრშეტევისას სარაბიამ მეოთხე გოლი გაგვიტანა. „ჯვაროსნების“ თამაში შეცვლაზე შესულმა მიქაუტაძემ გაამწვავა, რომელიც ასპილიკუეტას გაექცა, დაარტყა, გოლკიპერმა მოიგერია და ბურთი ძელს მოხვდა. საპასუხო იერიშისას რუისი ლორიასთან პირისპირ გაიჭრა და მეკარემ მეხუთე გოლისგან გვიხსნა. ბოლოს სარაბიასაც არ ჩაუთვალეს გოლი და მსაჯის საფინალო სასტვენიც გაისმა.

ესპანეთთან წაგება თავისთავად ტრაგედია არ არის, მაგრამ ამ გუნდს ადრეც შევხვედრივართ და ასე უშანსოდ არასოდეს ვყოფილვართ.

8 სექტემბერს საქართველოს ნაკრები სოფიაში ამხანაგურ მატჩში ბულგარეთს დაუპირისპირდება, 9 ოქტომბერს კი მსოფლიოს ჩემპიონატის საკვალიფიკაციო ტურნირის მეექვსე ტურში ბათუმში საბერძნეთს უმასპინძლებს.

მოკლედ, სანიოლისადმი ავანსების გაცემა დასრულდა, „თაფლობის თვეც“, აღფრთოვანებაც და დითირამბების მიძღვნაც. წამყვანი ფეხბურთელების ტრავმების გამოც არ გაუმართლა, მათი სათანადოდ შემცვლელებიც არ ჰყავს, რამეთუ ჩვენი გუნდის სათადარიგოთა სკამი მოკლეა, მაგრამ ვიდრე აქ მუშაობას დათანხმდებოდა, ბუნებრივია, იცოდა, სად მოდიოდა და რა სირთულეების წინაშე აღმოჩნდებოდა.

5 ტურის შემდეგ საქართველოს“ ნაკრები 1 ქულით აუტსაიდერია, მხოლოდ 2 გოლი გაიტანა (ორივე კვარაცხელიამ), 9 გაუშვა და ფაქტია - ასეთი უარყოფითი შედეგი ვაისის „ეპოქაშიც“ არ ჰქონდა. თუმცა, ახალი არაფერი მომხდარა, ვინაიდან ეს ტრაგიკომედია უკვე 27 წელია გრძელდება.

ბადახოსი. „მუნისიპალ ნუევო ვივერო“

ესპანეთი-საქართველო 4:0
გოლები: 1:0 გაია (13), 2:0 სოლერი (25), 3:0 ფერან ტორესი (41), 4:0 სარაბია (63)

ესპანეთი: სიმონი (სანჩესი 74), ასპილიკუეტა, ერიკ გარსია (მერინო 60), ლაპორტი (ალბიოლი 46), გაია (მენდესი 74), სოლერი, როდრი, ლორენტე, სარაბია, რუისი, ფერან ტორესი (ფორნალსი 60)

საქართველო: ლორია, ჩაბრაძე, კაშია, ლოჩოშვილი, გიორბელიძე (კაკაბაძე 76), აზაროვი (ყაზაიშვილი 57), კანკავა, აბურჯანია (ალთუნაშვილი 68), ზარია (მიქაუტაძე 57), მამუჩაშვილი, დავითაშვილი (ჩაკვეტაძე 68)

მკითხველის კომენტარები / 139 /
Kavkasiahi kvelaze banzi nakrebi da championship gvakvs. Amden fuls vtenit Amat da samarcxvinoze meti samarcxvinoebi arian. Kvaracxeliaze erti ambavi ate es titles itacebda kvelaze magari klubebi da saertod aravin Ikeda. Araferi magatgan sabolood ar gamodis. Marto fulis keyboard tkveni sakme? Ujigroebi xart. Kvelas gkidiat tkveni kvekana. Es fexburtis federacia vegar gazga. Feris gore's xart
Zaza
09 სექტემბერი 2021 14:09
1
მე ესე ვიტყვი მაგარი უცნაური ხალხი მოდის მწვრთნელად.ესეც აზრზე არ არის და რაღაც ბანდა გამოყავს ყველას მოედანზე რომლებსაც ფეხბურთელებს ნაკლებათ თუ ვინმე დავარქმევთ.ყველა ერთად არ უნდა მოვხარშოთ რათქმაუნდა.საწყალ ლორიას კანკავას და კიდევ ერთეულებს რას ვერჩით.დანარჩენია კატასტროფა თუა.სხვისი არ ვიცი მარა მე უთამაშებელი ჩაკვე მირჩევნია კვეკვესკირი აბურჯანიას ზარიას და ბევრს.ოაკაბაძე უკლუბოდ რომ იყოს მირჩევნია ჩაბრაძეს რომელიც ვერც ართმევს ვერც უტევს ვერც აწვდის ვერც სისწრაფეში კანონის საერთოდ დადებითი რა აქვს ვერ მივხვდი.ასე ვერ ვხვდებოდი გვილია საერთოდ რატომ იყო ნაკრებში.სადაა ლობჟანიძე დაცვაში საბა შეტევაში.რა ხდება ვინ არჩევს ამ ხალხს და რა ლოგიკით.დადებითი არის ხოჭოლავა პოზიციას იშვიათად კარგავს ჯაბა მეომარია და ეგეთი გულიანი რომ იყოს ყველა რაღა გვიჭირს ჯაბამ სულ რომ ყველაფერი ჩააგდოს მაინც ცუდს ვერ ვიტყვი სულს დებს ყველა თამაშში დავითაშვილი მომეწონა მცველზე მიდის თამამად და ეს გამბედაობა უნდა დაუფასოთ უკან არ ტრიალდება საშინლად და არაფრის მომცემად.კარგია მიქაუტაძე მეტი დრო მივცეთ სულ ძირითადში უნდა გვყავდეს ეგეთი ფორვარდი სხვა უბრალოდ არ გვყავს.კაცს ატყუებს არტყავს პოზიციას არჩევს ტანს იგებს.უბრალოდ ალტერნატივა არ ყავს კარგი ბიჭია და მოიმატებს დარწმუნებული ვარ.კლუბი შეიცვალოს გერმანია ბელგია ჰოლანდია ზედგამოჭრილია ბევრს გაიტანს და მოუხდება ამ ჩემპიონატებს
ირაკლი
07 სექტემბერი 2021 13:33
0
ვაკომ რაც გააკეთა ცარიელ კარში უნდა გაიტანო
Me
06 სექტემბერი 2021 22:44
0
ბოლო ბოლო რაო, რატომ არ დავაყენე წიტაიშვილიო? ან კითხა ვინმე ჟურნალისტმა საერთოდ...
გიორგი გორგაძე
06 სექტემბერი 2021 17:07
1
ლარის კურსი რომ დაეცა, ის 200 თუ 300 მლნ. ლარი ფეხბურთის განვითარებისთვის, გაუფასურდა და ამიტომ გვაქვს ცუდი შედეგები. ერთი 500 მლნ. გამოუყავით მაინც. ისა და, ამ ფეხბურთის "მამებს" რომ მივაქვაოთ ერთი 100 მლნ. იმ პირობით რომ შეეშვან საერთოდ ფეხბურთს და ნულიდან დავიწყოთ ყველაფერი, არ შეიძლება? მე რომ ბიზნესმენი ვიყო, თუნდაც ფიფია, ამ დინამოს გადავიყვანდი, თუნდაც უკრაინის ლიგაში და იქ ვითამაშებდი. ინტერესიც მეტი იქნებოდა, ხალხიც მივიდოდა სტადიონზე, თორემ თავმოყვარე ფეხბურთელმა საქართველოს ლიგაში არ უნდა ითამაშოს. საქართველოს ლიგა იყოს სამოყვარულო, ფარერებზე მეტი შედეგები მაინც არ გვაქვს და ფული მაინც არ გადაიყრება. ითამაშონ აქაც ბანკირებმა და მეხანძრე-პოლიციელებმა, უარეს შედეგს მაინც ვერ დადებენ
გიორგი
06 სექტემბერი 2021 17:07
0
ამ ყველაფერზე ძალიან მარტივი პასუხია:
ახლა აღარ მოგწონთ სანიოლი ხოოოო... ესპანეთის შემდეგ იბდღვნიდით სასწაული კაციაო, ეს არ არის გულშემატკივრობა,როცა იგებენ ბიჭები მაშინ რომ მაგრები არიან,წააგებენ და ლანძღავთ,ესეთები ხართ ჩვეულებრივი მედროვეები, ესეთებით არის სავსე პარლამენტიც და მაგიტომაც ვართ იქ სადაც ვართ,არანაერი გამხნევება და გვერდში დგომა,მე როცა რაღაც არ გამომდის როცა მიჭირს მაშინ მჭირდება გვერდში დგომა, აბა მე თვითონ რომ გამომდის ყველაფერი ბოდიში და რა ჩემს ... მჭირდება ვინმე. კაცი გაჭირვებაში იცნობა, სამწუხაროდ ჩვენთან ძალიან ცოტა კაცია
საქართველო
06 სექტემბერი 2021 16:22
16
რაის საქართველო ეხლა გაგახსენდათ ქართველობა და საქართველო ??? ნაგლად და უტიფრად კახა ცხადაძის მაგივრად რომ ჩამოათრიეს ეს მორიგი უცხოელი ტურისტი (უმუშევარი) სანიოლი გაგებაში რო არ არი რა და ისევ ის კარუსელი რომ დაატრიალეს 90იანების დროინდელი, ზარ ზეიმით რომ აპიარებდნენ და ისევ ისე რომ გოიმდებოდნენ როგორც ჟირესების და ტოპმიულერების დროს ადრე, ისევ ის დებილი ატმოსფერო რომ დააბრუნეს და ქართველებს ცხადაძეს და დევდარიანს რომ არ ახარებენ ეგ არის კარგი??? მაშინ სად იყავით ზარ-ზეიმით რომ მოათრევდნენ ამ დაუნს ქართველის ჯინაზე მაინც რომ ჩამოათრიეს უცხოელი, აი მაშინ იყო ფედერაცია დასახვრეტი
ქართველი
06 სექტემბერი 2021 17:52
5
როდის იგებენ? წელიწადში ერთხელ პოლისჯოხიც გაისვრის ხოლმე
გიორგი
06 სექტემბერი 2021 17:07
0
წინადადება შემომაქვს ფედერაციის პრეზიდენტად ავირჩიოთ კუჭავა, სადაც ტორპედოს ლიგის მოგებას უპირებს, ნაკრებს მინიმუმ ევროპის ჩემპიონობას მოაპოვებინებს.DD
jjj
06 სექტემბერი 2021 15:52
1
მეოთხე გოლი რომ გაგვიტანეს,შუქი ჩაქრა და დანარჩენი დღესღა ვუყურე.სასწაული პირველი ტაიმი იყო,ძალიან დაძაბული...იმათ 4 გოლი გაგვიტანეს,ჩვენ კი,მგონი 4-ჯერ შეეხო,ქართველი ფეხბურთელი ცენტრის ხაზს იქით ბურთს.შეიძლება 4-ჯერაც ვერა და მე ვზვიადებ?არ ვიცი,ცუდად მახსოვს და ცუდად ვარ!ჩვენი ქალები,შვედებს რომ შეხვდნენ,მაშინ ვნახე პირველად,რომ ბურთის მეტოქის ნახევარზე გადაგდებაც კი,პრობლემა იყო და ახლა იგივეს,მეორედ შევეჩეხე.რომ ვერ გადავიდნენ ერთია,მაგრამ არცკი ფიქრობდნენ გადასვლას,და ეგ არის მეორე.კაცი არ გარბოდა წინ.6 გოლი გაგვიტანეს და ერთი ამდენის გატანაც,თავისუფლად შეეძლოთ.სანიოლმა ყველაზე უფრო მძიმე გამოცდაზე გაიყვანა ის ბიჭები,წუხელ პირველად რომ ითამაშეს ნაკრებში და თუ ამ თამაშს თამაში შეიძლება ვუწოდოთ,მათ თამაშზე დასკვნებსაც გააკეთებდა.ვაკო ყაზაიშვილმა ორივე თამაში ითამაშა და იფიქრებდით,"სროკს" იხდისო.არ ვიცი ჯანმრთელობის რა მდგომარეობა აქვს,მაგრამ ასე ყოფნას,არყოფნა სჯობდა.ლიდერობას ველოდით და ორი თამაში,ერთხელ არ გაქცეულა.ჩაკვეტაძე ალბათ სასტარტოში უნდა დაეყენებინა,ფორმაში არ არის,მაგრამ მოედანს ხედავს და რამდენსაც გასძლებდა,იმდენი ხანი უნდა დაეტოვებინა მინდორზე.მისთვისაც და ნაკრებისთვისაც ეს ძალიან სასურველი იქნებოდა.მას მაქსიმალური პრაქტიკა სჭირდება.ჩაბრაძემ და კაშიამ,მეორე გაფრთხილებები მიიღეს და ბერძნებთან ვერ ითამაშებენ.ჩაბრაძეს შემცვლელი გვყავს,აი კაშია კი,ფაქტობრივად შეუცვლელია,არადა წინა თამაშშიც და ახლაც,ისეთი გაფრთხილებები მიიღო,რომლის მიღების აუცილებლობა სულაც არ იყო. უმისობა, საბერძნეთთან ძალიან ძვირად დაგვიჯდება.დარწმუნებული ვარ.მათთან კი,ქულების აღება ნამდვილად შეგვიძლია.უკვე რამდენი წელია,აუტის ჩამოწოდება,ბურთის დაკარგვის ტოლფასი გაგვიხდა.ბურთი ვერ შემოგვაქვს და ვერც ვისწავლეთ,ვერც სხვა სტანდარტების გათამაშება ვისწავლეთ.ესპანეთთან კუთხურები,ჩვენი კარისთვის ყველაზე სახიფათო აღმოჩნდა,რადგან ჩასული მცველები,საერთოდ არ ცდილობდნენ ბურთზე თამაშს,მერე ვერც უკან ჩამოსვლას ასწრებდნენ და ბურთი ჩვენს კარში გადიოდა.თან საოცრად მარტივად.ჩანს,რომ მიქაუტაძეს დიდ სივრცეში სისწრაფე ცოტა აკლია,მაგრამ მცირე სივრცეში ძალიან კარგად ერკვევა.86 წუთზე,მან სიღრმიდან ბურთი საჯარიმოს ცენტრისაკენ წაიღო,მხოლოდ მარჯვენა ფლანგზე ჰყავდა პარტნიორი.მიქაუტაძე დიაგონალზე საჯარიმოსკენ გარბოდა და ან თვითონ უნდა დაერტყა,ან მარჯვენა ფლანგზე მიეცა პასი,თვითონ კი საჯარიმოში შეერბინა და ჩაწოდებას დალოდებოდა.მაგრამ რად გინდა,ფლანგელმა,ცენტრისაკენ შემოირბინა,თავისი მცველიც გიორგის მიუყვანა,ზონაც დაუკეტა,აღარც პასის მიცემის საშუალება დაუტოვა და ბურთი დაიკარგა.ერთი სიტყვით,ამ ბიჭებს ტაქტიკური მომზადების გაკვეთილებიც სჭირდებათ.ევროპაში მრავალი გუნდია,რომლებსაც საშემსრულებლო ოსტატობა აკლიათ და აქცენტს,სტანდარტული მდგომარეობების გათამაშებაზე აკეთებენ.ერთადერთი ჩვენ ვართ,ვისაც არც სირბილი შეგვიძლია,არც ფეხბურთის თამაში და არც სტანდარტულების დამუშავებაზე ვიწუხებთ თავს.იქნებ ესეც არ შეგვიძლია?არ ვიცი!სანიოლმა აუცილებლად უნდა იფიქროს,ამაზე.ტრადიცია არც ამჯერად დაგვირღვევია,4 ტურის შემდეგ უკვე გარკვეულია,რომ მსოფლიოს ჩემპიონატზე ვერ გავალთ და ახლა თავისუფლად შეგვიძლია დავიწყოთ, ფეხბურთის თამაშის სწავლა.დროც გვაქვს და სავარჯიშო თამაშებიც(დარჩენილ თამაშებს ვგულისხმობ).ვფიქრობ კარგია,რომ მამარდაშვილი არ ათამაშა.არც ნაკლებს გაუშვებდა და ასეთ დებიუტს,შესაძლოა მასზე დიდი დაღიც დაესვა.გიორგი ლორიამ რამდენიმე მაგარი მომენტი გააუვნებლა და გაშვებულ გოლებშიც, არა მგონია მისი დადანაშაულება სწორი იყოს.
სოსო
06 სექტემბერი 2021 14:39
1
ფედერაცია-მწვრთნელი და მთელი სისტემა შესაცვლელია და აქ კომენტებს ვინც წერთ ჩამოყალიბდით კიტეიშვილი თუ წიტაიშვილი-"წიტეიშვილი" ჩაწერა ალბათ სანიოლმაც და უთხრეს მაგას ტრავმა აქვსო
Levani
06 სექტემბერი 2021 14:37
2
ზოგადად უბედურებაა ამ უპატრონო ქვეყანაში ცხოვრება სპორტსმენისთვისაც და ჩვეულებრივი ადამიანისთვისაც საუბედუროდ
mmm
06 სექტემბერი 2021 14:33
2

სიახლეები პოპულარული