სანიოლი: რამდენიმე ფეხბურთელით უკმაყოფილო ვარ, უნდა გაიაზრონ, რომ მეტი მოეთხოვებათ

AutoSharing Option
საბერძნეთთან ბათუმში (0:2) დამარცხების შემდეგ, პრესკონფერენციაზე საქართველოს ნაკრების მთავარმა მწვრთნელმა ვილი სანიოლმა ისაუბრა:

"საწყისი 25 წუთით განსაკუთრებით უკმაყოფილო ვიყავი - აგრესია, მონდომება და თავდადება გვაკლდა. ფეხბურთში ნიჭი და ტექნიკა საკმარისი არ არის, თუკი 90 წუთის განმავლობაში ბოლომდე არ დაიხარჯები. ჩვენმა ნიჭიერმა მოთამაშეებმა უნდა ისწავლონ, რომ მხოლოდ ცალკეულ ეპიზოდებში გააქტიურება არ ეყოფათ. პირველი ნახევრის ბოლოსა და მეორე ტაიმის დასაწყისით კმაყოფილი ვარ.

თორნიკე ოქრიაშვილი შემოვიდა და თავდადების მაგალითი გვაჩვენა. რამდენიმე ფეხბურთელით უკმაყოფილო ვარ, უნდა გაიაზრონ, რომ მეტი მოეთხოვებათ.

თუ დავაკვირდებით მარტისა და
ივნისის მატჩებს, უკანასკნელი შეხვედრები განსხვავებული იყო. რადგან მაშინ უკეთესად გამოსვლა შევძელით, ეს ნიშნავს, რომ თამაში შეგვიძლია. სექტემბრსა და ოქტომბრში კი მონდომება გვაკლდა.

დღეს დადებითი ასპექტებიც დავინახე და დასანანად, უკანასკნელ წუთებზე დავმარცხდით.

კოსოვოში თავმოყვარეობის დასაცავად ვითამაშებთ და ვეცდებით, რათა დარჩენილ შეხვედრებში დადებითი შედეგი გვქონდეს.

მესის კლასის ფეხბურთელს შეუძლია, თავს უფლება მისცეს, ნაკლებად ირბინოს და შემდეგ მისი კომპენსირება მოახდინოს. ამ დონის შემსრულებლები არ გვყავს და ჩვენმა ნიჭიერმა მოთამაშეებმა მთელი შეხვედრის განმავლობაში თავდადება უნდა გამოავლინონ.

დადებით ასპექტებში თორნიკე ოქრიაშვილის თამაშში ჩართვასა და საბა ლობჟანიძის მონდომებას დავასახელებდი. დაცვის ხაზში ახლა გაცილებით ორგანიზებულები ვიყავით, ვიდრე კოსოვოსა და ესპანეთთან.

შემადგენლობას ვარჯიშებზე დაკვირვებისა და მოთამაშეების საკლუბო კარიერიდან გამომდინარე ვარჩევ.

რა თქმა უნდა, გუნდში პროგრესი უნდა შეიმჩნეოდეს. მარტის თამაშის შემდეგ ყველამ დაიჯერა, რომ მეტოქეებთან ტოლ-სწორად თამაში შეგვეძლო. ახლა მონდომება დაგვაკლდა და იმედია, კოსოვოში ასე არ მოხდება.

გიორგი აბურჯანია ნაკრებში სტაბილურად თამაშობდა და ნდობის ღირსი იყო. თუმცა, თუკი კლუბში სათამაშო პრაქტიკა არ ექნება, მას, ისევე როგორც გურამ გიორბელიძეს, ნაკრებში მაღალ დონეზე თამაში გაუჭირდებათ, მე კი - მათი გამოძახება".

მკითხველის კომენტარები / 68 /
ტოპ მწვრთნელებიც ყავდა ნაკრებს რომლებიც ჩემპიონლა ლიგაზე წარმატებულად გამოდიოდნენ (კუპერი, ტოპმიოლერი) მაგრამ აქ შედეგი ვერ აჩვენეს. ნაკრების ფეხბურთელს ანბანი კი არა უნდა ასწავლოს მწვრთნელმა და ბურთის მიღება-დამუშავება. ტაქტიკა და სტრაეგია დაუსახოს დანარჩენი ფეხბურთელებზეა, მაგრამ ჩვენებს უსახე და უხატე რამდენიც გინდა. პირველკლასელს კვანტური ფიზიკა ასწავლო ისეა ამათი საქმე. ასე ჩანს ყოველშემთხვევაში, თუ არა იმართლონ თავი ფეხბურთელებმა რომ არ ვარგა მწვრთნელი.

პ.ს. ვერავინ ვერ დადო შედეგი აქ ქართველზე მეტი და მე მგონი ისევ კარგი ქართველი მწვრთნელი უფრო აჯობებს ყველას.
ქართველი
15:21 11-10-2021
1
ტოპ მწვრთნელებიც ყავდა ნაკრებს რომლებიც ჩემპიონლა ლიგაზე წარმატებულად გამოდიოდნენ (კუპერი, ტოპმიოლერი) მაგრამ აქ შედეგი ვერ აჩვენეს. ნაკრების ფეხბურთელს ანბანი კი არა უნდა ასწავლოს მწვრთნელმა და ბურთის მიღება-დამუშავება. ტაქტიკა და სტრაეგია დაუსახოს დანარჩენი ფეხბურთელებზეა, მაგრამ ჩვენებს უსახე და უხატე რამდენიც გინდა. პირველკლასელს კვანტური ფიზიკა ასწავლო ისეა ამათი საქმე. ასე ჩანს ყოველშემთხვევაში, თუ არა იმართლონ თავი ფეხბურთელებმა რომ არ ვარგა მწვრთნელი.

პ.ს. ვერავინ ვერ დადო შედეგი აქ ქართველზე მეტი და მე მგონი ისევ კარგი ქართველი მწვრთნელი უფრო აჯობებს ყველას.
ქართველი
15:15 11-10-2021
1

სიახლეები პოპულარული