ouest-france: სანიოლს წვლილი შეაქვს ქართული ფეხბურთის ამ შესანიშნავ დროებაში

AutoSharing Option
თანამემამულე მწვრთნელის, ვილი სანიოლის საქართველოს ნაკრებში წარმატებულ მუშაობას წერილი ouest-france-მა მიუძღვნა:

ერთა ლიგა: სიახლეები ვილი სანიოლისგან, რომლის ხელმძღვანელობით, საქართველომ კარგ შედეგებს მიაღწია

"2021 წლის თებერვალში საქართველოს ეროვნული გუნდის თავკაცად დანიშნული ვილი სანიოლი თავის სამუშაოს შესანიშნავად უძღვება: ქართველები ჯგუფის ლიდერები და ცხრა მატჩში დაუმარცხებლები არიან. თუ საფრანგეთს ერთა ლიგის ყველა ოთხ შეხვედრაში გულდასაწყვეტი შედეგების და ფიზიკური ჩავარდნების გამო პრობლემები აქვს, ზოგიერთ ქვეყანაში ამ ტურნირს სხვაგვარად აღიქვამენ. კერძოდ, ეს ეხება საქართველოს, რომელიც С დივიზიონის მე-4 ჯგუფს სამი მოგებითა და ერთი ფრით ლიდერობს.
აღმოსავლეთ ევროპის ამ ქვეყანას დიდ საერთაშორისო ტურნირებზე არასოდეს არ მიუღია მონაწილეობა, ახლა კი თავის ერთ-ერთ საუკეთესო სერიას ატარებს: ზედიზედ 9 წაუგებელი მატჩი (7 მოგება და 2 ფრე). მხოლოდ ერთხელ, 2010 წლის მარტიდან 2011 წლის მარტამდე ჰქონდა უკეთესი, 10-მატჩიანი წაუგებელი სერია.

ყველაზე უკეთ ოქტომბრიდან

ვილი სანიოლი ერთ-ერთი იმათგანია, ვისაც თავისი წვლილი შეაქვს ქართული ფეხბურთის ამ შესანიშნავ დროებაში. საფრანგეთის ნაკრების ყოფილი ფეხბურთელი (58 მატჩი) 2021 წლის თებერვალში დანიშნეს მთავარ მწვრთნელად - ბოლოს მთავარი მწვრთნელი 5 წლის წინ იყო. თუმცა დებიუტი რთული გამოუვიდა: 7 მარცხი პირველ 9 თამაშში (1 მოგება და 1 ფრე). მას შემდეგ საქართველო გასული წლის შემოდგომაზე პირველ ადგილზე გავიდა.

სახელდობრ, მსოფლიოს ჩემპიონატის საკვალიფიკაციო ეტაპზე იმ მომენტისთვის ლიდერ შვედეთს 2:0 სძლია. გასული წლის სექტემბერში ბულგარეთთან 1:4 წაგებისთვის 5 ივნისს გასვლაზე დამაჯერებელი რევანში, 5:2 აიღო.

დაწინაურება B ლიგაში?

საქართველოში ტოპ 5-ის ჩემპიონატში მოასპარეზე ცოტა ფეხბურთელია. 21 წლის გიორგი მამარდაშვილი "ვალენსიას" ძირითადი მეკარე გახდა. ის სატრანსფერო ბაზარზე ქართველთა ყველაზე ძვირად ღირებული მოთამაშეა (10 მილიონი ევრო), მაგრამ ნაკრებში 36 წლის გიორგი ლორიას დუბლიორია. ამ სანაკრებო ფანჯრისას 3 გოლითა და 2 საგოლე გადაცემით ყველაზე გამორჩეული ბათუმის "დინამოს" 21 წლის გარემარბი ხვიჩა კვრაცხელიაა.

ფიფას რეიტინგში 85-ე ადგილზე მყოფი გუნდი 2012 წლის შემდეგ არასოდეს არ ყოფილა ასეთ მაღალ პოზიციაზე. სექტემბერში ჩრდილოეთ მაკედონიასთან და გიბრალტართან დადებითი შედეგის მიღწევის შემთხვევაში, შეუძლია ლიგა B-ში გადავიდეს. ეს ამ დროისთვის წინ გადადგმული პირველი მნიშვნელოვანი ნაბიჯია, რომელიც შემდგომ გაუმჯობესებას საჭიროებს".

მკითხველის კომენტარები / 12 /
კონკურენცია გაჩნდა ნაკრებში?
ხოდა მას მერე ვხტებით ნასკებში..
ადრე რა იყო? პედერაციის ინტერესი ქართულ პონტში. მეგობრულ ძმაკაც ჯიგრულად.. აი ეს აღარ არის და.......... წავიდა ჰეეე!
ჰავლაბრელი ყაიმაზა ელი..
12:05 14-06-2022
6
ჩაკვე უნდა ამოიწიო, სხვა გზა არ გაქვს.
სულ ცოტა აკლია ჩაკვეს.
კიტე უნდა შევიდეს მაგარ ფორმაში.
მიქაუტაძე ცოტა დაღვინდეს.
ლობჟანიძემ ბურთი და თავი ცოტა უფრო მეტად აკონტროლოს.
კაშიას( უდიდესი მადლობა) სასწრაფოდ შემცვლელი უნდა მოვუნახოთ!
დავითაშვილი კაია.
ყაზა ამ გუნდში ვერ ჯდება, საკმარისად იღვაწა.
წიტა მოუმატებს.
მამარდა კარებში პირველ მეკარედ.
ყველამ ერთად თავდაუზოგავად და შესაძლებლობებს ზემოთ უნდა ითამაშონ.
სანიოლმა ექსპერიმენტებს და მოწინააღმდეგე გუნდის დანდობას თავი დაანებოს და,
ცოტა თუ გაუძლებს ჩვენს ნაკრებს.
თენგო
11:16 14-06-2022
6

სიახლეები პოპულარული