უკრაინელთა მწვრთნელი ბაგაცკისი შესანიშნავად იცნობს ჩვენს ეროვნულ გუნდს და მატჩის წინ განაცხადა, რომ გეგმა აქვთ, რომელსაც მთელი თვე ამუშავებდნენ და აუცილებელი იყო მეტოქეს მაღალი ტემპით დაპირისპირებოდნენ. უკრაინელთა ფორვარდმა ბობროვმა კი აღნიშნა, რომ მთავარი შენგელიას ფოლებზე პროვოცირება და განეიტრალება გახლდათ.
საქართველოს ნაკრების მწვრთნელმა ზუროსმა პარკეტზე შემდეგი სასტარტო შემადგენლობა გაიყვანა: მაკფადენი, ბოქოლიშვილი, სანაძე, შენგელია, შერმადინი. თამაში თავიდან ქულა-ქულაში წავიდა, პუსტოვოი ყურადღებით მეურვეობდა შერმადინს, გასაქანს არ აძლევდა, აქტიურობდა შენგელია და პირველი მეოთხედი 20:23 წავაგეთ. მეორე მეოთხედი ზუროსმა ცენტრის გარეშე დაიწყო და მეტოქე, რომელიც დაცვაში კარგად თამაშობდა, 16 ქულით გაგვექცა. მაკფადენსაც არ წაუვიდა სროლები, საერთოდ შეტევაშიც ვერ გამოვიყურებოდით კარგად, თან ბევრი საჯარიმოები ვერ გამოვიყენეთ და პირველი ტაიმი 34:47 დავთმეთ.
თამაშის სურათი არც მესამე მეოთხედში შეიცვალა, ჩვენი ნაკრები ვერც პერიმეტრიდან ისროდა კარგად, ფარსაც ვერ იგებდა, გუნდურადაც ვერ თამაშობდა, უამრავ შეცდომას უშვებდა, დაცვაში მოწინააღმდეგეს ადგილად ატარებდა და ბევრი წუნი ჰქონდა. მესამე მეოთხედში მაკფადენის ორი სამქულიანის და შენგელიას ძალისხმევის წყალობით ანგარიშის 10 ქულამდე შემცირება მოხერხდა, თუმცა საბოლოოდ უკეთესმა გუნდმა გაიმარჯვა, რომელიც უფრო მობილიზებული იყო. სამწუხაროდ, საფინალო სირენის შემდეგ ბაგაცკისმა ზუროსს ხელი არ ჩამოართვა და საქართველოს ნაკრების სათადარიგოთა სკამისკენ უხამსი ჟესტით დატოვა მოედანი.
საქართველოს ნაკრებიდან 22 ქულა მაკფადენმა ჩააგდო, 21 შენგელიამ, 8 სანაძემ, 7 შერმადინმა (11 მოხსნა), 4 ანდრონიკაშვილმა, 2 ჯინჭარაძემ, თითო-თითო კი ბურჯანაძემ და ბერიშვილმა. უკრაინელთაგან 17 ქულით ყველაზე შედეგიანი ბობროვი იყო, ხოლო მიხალიუკმა 16 ქულა მიითვალა.
შემდეგ შეხვედრას ჩვენი გუნდი 4 ივლისს თბილისში ესპანეთთან გამართავს და იმედია უკეთ იასპარეზებს.
"შენგელიას პროვოცირება და ბოძივით დადგომა" - უკრაინელთა ფორვარდის მთავარი ამოცანა
"საქართველოს ნაკრებს მხოლოდ ამ შემთხვევაში დავამარცხებთ" - უკრაინელთა მწვრთნელი
![საქართველოს ნაკრები მსოფლიოს ვიცე-ჩემპიონთან დამარცხდა[VIDEO]](/pictures/image7/58a3ae5c56fe2e21a5977fafa22c10ff.jpg "საქართველოს ნაკრები მსოფლიოს ვიცე-ჩემპიონთან დამარცხდა[VIDEO]")
რას ერჩით უკრაინელებს(?!)
უკრაინელები ვისაც ებრძვიან - იმ მონღოლებს,ოკუპირებული აქვთ საქართველოს 25 %- ტი და იქ ქართველთა ეთნოწმენდები განხორციელებული,
მოკლედ -ღრუსებზე,ერთადერთ მ ტ ე რ ზ ე- 20-21-ე საუკუნეში-სიიტყვას არ დაძრავთ და სხვა- ყველა გძულთ,გეზიზღებათ და ,.,ებრძვით,,(?!)- ,,ღირსების,, დასაცავად(?!)
- ასე არა ადეკვატურები- ალბათ რუსეთში ცხოვობთ, ღრუსული ტვინით, ცნობიერებით-,,გონებით,, და მით აზზრზე არა ხართ თუნდაც ბოლო 30 წელია- რა მოხდა საქათველოში, საქართველოს უახლეს ისტორიის ცოდნაზე საუბარიც ზედმეტია და ამიტომ- რაებს არ ...
რატომ უნდა მიეცეთ თამაში? უკრაინა რა ჩემპიონი გახდება თუ ამით ევროკავშირში მიგვიღებენ ? მე რომ ვიყო კალათბურთის ფედერაციის პრეზიდენტი ზუროსს გავაგდებდი . ვერ ვხვდები რა უნდათ უკრაინის მწვრთნელთან. ყველგან მიღებული პრაქტიკაა თამაშის შემდეგ მწვრთნელები მეგობრულად ხელს ართმევენ და დამარცხებული მოგებულ ყოველთვის ულოცავს გამარჯვებას! ზუროსი როგორ მოიქცა? ეგ მოგეწონათ და იმის ჟესტი არა?