მატჩის დღე - საქართველოს ნაკრები გადახალისებული შემადგენლობითა და მე-12 წაუგებელი შეხვედრისთვის!

მაროკოელები მსოფლიო ჩემპიონატზე 20 წლის განმავლობაში ვერ გადიოდნენ, ახლა ზედიზედ მეორედ მონაწილეობენ, რუსეთში განცდილი ფიასკო კი უნდა გამოასწორონ.

მაროკოს ნაკრებსაც ოფიციალურ დაპირისპირებებში 4-მატჩიანი წაუგებელი სერია აქვს მას შემდეგ, რაც წლის დასაწყისში, აფრიკის თასის მეოთხედფინალში, მოჰამედ სალაჰის ეგვიპტესთან დამატებით დროში (1:2) წააგო. ისე კი, შემდეგ მხოლოდ აშშ-სთან (0:3) დამარცხდნენ.

"ჯვაროსნების" უახლოესი მეტოქე ფიფას რეიტინგში 22-ე ადგილს იკავებს და ეს აფრიკულ ქვეყნებს შორის მეორე შედეგია."



Sportskeeda:

"საქართველოს ნაკრები 2021 წლის ოქტომბრის შემდეგ არ დამარცხებულა და ამ პერიოდში, 8 შეხვედრაში კარი მშრალად შეინახა, ბოლო 6 მატჩიდან 5-ში კი 2 ან მეტი გოლი გაიტანა. მათ "ნაპოლის" მოულოდნელი ვარსკვლავი ხვიჩა კვარაცხელია ჰყავთ, რომელიც ახლა ტრავმირებულია, რაც ქართველებისთვის სერიოზული დარტყმაა.

სავარაუდო ანგარიში - 2:2".



101greatgoals:

"მას შემდეგ, რაც მაროკომ მუნდიალზე თამაში გაინაღდა, უაღრესად არაპოპულარული ვაჰიდ ჰალილჰოჯიჩი მთავარი მწვრთნელის პოსტიდან გადააყენეს და ვალის რეგრავუი დანიშნეს. მათ ბელგიის, ხორვატიისა და კანადის სახით სერიოზული მეტოქეები ჰყავთ, თუმცა საქართველის ნაკრები მშვენიერი გენერალური რეპეტიციაა, დიდი შანსია, ეს გუნდი 2024 წლის ევროპის ჩემპიონატზე ვიხილოთ.

როცა ხვიჩა კვარაცხელია ტრავმირებულია, ვილი სანიოლის ნაკრებს საუკეთესო თვისებების გამოვლენა გაუჭირდება."

დღევანდელი, 17 ნოემბრის დაპირისპირება თბილისის დროით 20:00 საათზე დაიწყება.



საქართველოს ეროვნული ნაკრების შემადგენლობა

მეკარე: გიორგი ლორია ("ანორთოსისი", ფამაგუსტა, კვიპროსი), გიორგი მამარდაშვილი ("ვალენსია", ესპანეთი)

დაცვა: გურამ კაშია ("სლოვანი", ბრატისლავა, სლოვაკეთი), სოლომონ კვირკველია ("ნეფთჩი", ბაქო, აზერბაიჯანი), ლუკა ლოჩოშვილი ("კრემონეზე", კრემონა, იტალია), ჯემალ ტაბიძე ("დინამო", თბილისი), საბა საზონოვი ("დინამო", მოსკოვი, რუსეთი)

ნახევარდაცვა/თავდასხმა: საბა ლობჟანიძე ("ჰატაისპორი", ანტაკია, თურქეთი), გიორგი წიტაიშვილი ("ლეხი", პოზნანი, პოლონეთი), ნიკა კვეკვესკირი ("ლეხი", პოზნანი, პოლონეთი), ლევან შენგელია ("პანეთოლიკოსი", აგრინიო, საბერძნეთი), ანზორ მექვაბიშვილი ("დინამო", თბილისი, საქართველო), ვლადიმერ მამუჩაშვილი ("დინამო", ბათუმი, საქართველო), გიორგი აბურჯანია ("ჟილ ვისენტე", ბარსელუში, პორტუგალია), სანდრო ალთუნაშვილი ("დინამო", ბათუმი, საქართველო), ზურიკო დავითაშვილი ("ბორდო", საფრანგეთი), ოთარ კიტეიშვილი ("შტურმი", გრაცი, ავსტრია), გიორგი გოჩოლეიშვილი ("საბურთალო", თბილისი, საქართველო), დავით ვოლკოვი ("საბაჰი", ბაქო, აზერბაიჯანი), გიორგი ბერიძე ("ანკარაგუჯუ", ანკარა, თურქეთი), გიორგი ქვილითაია ("აპოელი", ნიქოზია, კვიპროსი)

სანიოლი: უჩვეულო სიტუაციაში ვართ - ახალ ფეხბურთელებს გუნდში სიახლე შემოაქვთ

საქართველოს ნაკრების სავარაუდო შემადგენლობა მაროკოსთან - ლიდერების გარეშე

როგორ ითამაშებს საქართველოს ნაკრები კვარაცხელიას გარეშე? - როცა ჩაკვეტაძეც საეჭვოა...