„ჯვაროსნების“ მწვრთნელმა სანიოლმა ექსპერიმენტული სასტარტო შემადგენლობა დააყენა, რომელმაც თავიდანვე შეუტია და კობახიძის თავით დარტყმული ბურთი ოდნავ ასცდა მიზანს. მე-15 წუთზე ჩაკვეტაძეს გატანა მეკარემ არ დაანება, მაგრამ დამატებაზე ყველას ვოლკოვმა დაასწრო და ჩვენი გუნდი დააწინაურა. შემდეგ ვოლკოვმა ბურთი ძელს გაარტყა, ჩაკვეტაძემ კარგი შანსი ვერ გამოიყენა და მეტოქემ კონტრიერიშისას მეკარისა და ცენტრალური მცველების შეცდომით ისარგებლა და ანგარიში გაათანაბრა. მე-40 წუთზე გოჩოლეიშვილი საჯარიმოში მცველმა წააქცია, მსაჯმა პენალტი დანიშნა, თუმცა ჩაკვეტაძის დარტყმული ბურთი მეკარემ მოიგერია და პირველი ტაიმი ფრედ დასრულდა.
შესვენებაზე სანიოლმა ტრავმირებული ლორია გუგეშაშვილით, ხოლო აბურჯანია კვეკვესკირით შეცვალა. თამაშის სურათი არ შეიცვალა, მასპინძლები სრულ უპირატესობას ფლობდნენ და ორ წუთში ჩაკვეტაძემ დუბლი შეასრულა. საქართველოს ნაკრებმა მოწინააღმდეგეზე ზეწოლა გააძლიერა, შეცვლაზე შესულმა დავითაშვილმა ლობჟანიძე მეკარეს პირისპირ შეჰყარა და მან მონღოლთა კარი დალაშქრა. ბოლოს ბერიძემ და ზივზივაზემ გაიტანეს და საქართველოს ეროვნულმა გუნდმა დამაჯერებელი გამარჯვება მოიპოვა.
ძნელია ვიზავის კლასის გათვალისწინებით რაიმე დასკვნების გამოტანა, მაგრამ, ალბათ, სანიოლმა ხარვეზები დაინახა და ისიც, ვინ როგორ ფორმაშია და ვისი იმედი შეიძლება ჰქონდეს.
28 მარტს ამავე სტადიონზე საქართველოს ნაკრები ევროპის ჩემპიონატის საკვალიფიკაციო ეტაპის პირველ მატჩში ნორვეგიას უმასპინძლებს.
ბათუმი. „აჭარაბეთ არენა“
საქართველო - მონღოლეთი 6:1
გოლები: 1:0 ვოლკოვი (15), 1:1 ბალჯინიამი (31), 2:1 ჩაკვეტაძე (56), 3:1 ჩაკვეტაძე (57), 4:1 ლობჟანიძე (70), 5:1 ბერიძე (88), 6:1 ზივზივაძე (90+1)
გამოუყენებელი პენალტი: ჩაკვეტაძე (40)
საქართველო: ლორია (გუგეშაშვილი 46), კობახიძე, დვალი, საზონოვი, გოჩოლეიშვილი, აბურჯანია (კვეკვესკირი 46), გაგნიძე (ზივზივაძე 64), წიტაიშვილი (სიგუა 64), ლობჟანიძე, ჩაკვეტაძე (დავითაშვილი 64), ვოლკოვი (ბერიძე 71)
ხარისხი შეიძლება სასწაული არიყო მაგრამ წინა წლებთან შედარებით ვაუმჯობესებთ და ამ კუთხით შევხედოთ (და არა ნაპოლის თამაშებიდან გამომდინარე რომელსაც ყველა ვუყურებთ, მსგავსი ხარისხი ადვილად და სწრაფად არ მოდის) კიდევ ბევრია სამუშაო და ბიჭები ამას გააკეთებენ და ეცდებიან დარწმუნებული ვარ, მთავარია სურვილი და მონდომება
სიგუას დებიუტს ვულოცავ კარგი იყო მითუმეტეს პირველი თამაში ნერვიულობის ფონზე
წარმატება ჩვენ ბიჭებს და წინ დიდი გამარჯვებებისთვის !!!
საზანოვი ძაან მომეწონა;ცივ სისხლიანად,დინჯად,უშეცდომოდ და სანდოდ თამაშობდა.პასები უბრალო(ზედმეტი მანჭვის გარეშე) და არც უაზრო ჰქონდა.
გიორგი ჩაკვეტაძემ მგონი გოლის ვერ გატანის ჯადო-ნავსი გატეხა(გიორგი,მოკრძა-ლებული და მორცხვი ცხოვრებაში იყავი და მოედანზე კი მხეცი უნდა გახდე ისევ).
ბიჭებო,ყველას გისურვებთ წარმატებებს თქვენს კლუბებში და განსაკუთრებით,ჩვენს ნაკრებში!აბა,თქვენ იცით,ყველანი როგორ საუკეთესოდ გვასახელებთ თქვენი გამარჯვებებით!