კვიპროსის ნაკრებისა და "ომონიას" 27 წლის მცველმა იოანის კოუსულოსმა საქართველოს ნაკრებთან დაპირისპირებაზე ადგილობრივ მედიასთან ისაუბრა:"ვაგრძელებთ მზადებას, რათა მომდევნო მატჩებისთვის სრულ მზადყოფნაში ვიყოთ. ეროვნულ გუნდში ყოველთვის კარგი შედეგის ჩვენებაა საჭირო და ჩვენ ამას ვეცდებით.
გვინდა, რომ საქართველოსთან გამარჯვება მოვიპოვოთ და შაბათს მთელი გუნდი ამას ერთად შევეცდებით, ამისთვის კი გულშემატკივრის გვერდში დგომა ძალიან გვჭირდება, რათა მიზანს მივაღწიოთ", - თქვა კოუსულოსმა.
