„ჯვაროსნების“ მწვრთნელმა სანიოლმა, წინა მატჩისგან განსხვავებით, სასტარტო შემადგენლობაში ერთი ცვლილება განახორციელა, ისიც იძულებითი - ტრავმირებული შენგელიას ნაცვლად ძირითადში აზაროვი დააყენა. მოლოდინისამებრ, უპირატესობას თავიდანვე მასპინძლები დაეუფლნენ. საჯარიმოდან ჩაწოდებულ ბურთზე ლე ნორმანმა ყველას დაასწრო და თავურით თავისი გუნდი დააწინაურა. შემდეგ გავის გატანა მეკარე მამარდაშვილმა არ დაანება. ცოტა ხანში კი ჩაკვეტაძემ კვარაცხელიას დიდებული პასი გაუკეთა და მან ანგარიში გაათანაბრა. „ფურია როხამ“ ზეწოლა გააძლიერა, მამარდაშვილმა ორჯერ გადაგვარჩინა. საქართველოს ნაკრები სახიფათო კონტრიერიშებით პასუხობდა, მაგრამ შანსი ვერ იქნა გამოყენებული. 30-ე წუთზე მამარდაშვილმა მორატას ორი მეტრიდან დარტყმული ბურთი ფეხით მოიგერია. დარჩენილ დროში ანგარიში არ შეიცვალა და პირველი ტაიმი 1:1 დასრულდა.
შესვენების მერე თამაშის სურათი არ შეიცვალა, ესპანელები ბურთს მუდმივად ფლობდნენ. როდრის თავური მამარდაშვილმა საოცარ ნახტომში მოიგერია, ხოლო ფერან ტორესმა მალე წინ გაიყვანა მასპინძლები. მერე ხვიჩამ თავის მიერვე მოპოვებული საჯარიმოდან ვერ უწია მიზანს. სანიოლმა კვეკვესკირი და მიქაუტაძე მექვაბიშვილით და დავითაშვილით შეცვალა. საქართველოს ნაკრებს მეტოქის ნახევარზე აწევა უჭირდა. ერთ-ერთი იშვიათი კონტრშეტევისას ჩაკვეტაძის კარგ დრიბლინგს შედეგი არ მოჰყვა - და შეცვლაზე შესული იამალის ჩაწოდებული ბურთი ლოჩოშვილმა საკუთარ კარში ჩაჭრა და საბოლოო ანგარიში დაფიქსირდა.
A ჯგუფში ესპანეთმა 21 ქულით პირველი ადგილი დაიკავა, ხოლო საქართველო 8 ქულით მეოთხე ადგილზე დარჩა და მარტში ევროპირველობაზე გასასვლელი პლეი-ოფის მატჩებისთვის მოემზადება.
ვალიადოლიდი. „ხოსე სორილია“
ესპანეთი - საქართველო 1:3
გოლები: 1:0 ლე ნორმანი (4), 1:1 კვარაცხელია (10), 2:1 ფერან ტორესი (55), 3:1 ლოჩოშვილი (72, საკ. კარში)
საქართველო: მამარდაშვილი, კაკაბაძე (მამუჩაშვილი 89), კაშია, კვირკველია, ლოჩოშვილი, აზაროვი (გოჩოლეიშვილი 78), კვეკვესკირი (მექვაბიშვილი 60), ქოჩორაშვილი, ჩაკვეტაძე (ალთუნაშვილი 89), კვარაცხელია, მიქაუტაძე (დავითაშვილი 60)
არადა, ზოგიერთებმა რაც არ უნდა იქილიკონ და იმასხარაონ, ისე როგორც სპორტის სხვა სახეობებში, ფეხბურთშიც არ გვაკლია ნიჭიერი ახალგაზრდები, თითქოს ინფრასტრუქტურაც შედარებით მოწესრიგდა, მაგრამ საგრძნობი წინსვლა არ ჩანს. ჩვენი ნაკრები ისევ იმ ქაოტურ, უსისტემო, ლამის ეზოს ფეხბურთს თამაშობს.
ამ ევროპის ჩემპიონატზე, ზოგიერთი ჩვენი პოტენციური მოწინააღმდეგე გუნდების თამაშს შევავლე თვალი, ალბანელების, ყაზახების, აზერების, მოლდოვას, ლუქსემბურგის ნაკრებების თამაშს და პირველი, რაც მომხვდა თვალში იყო ის რომ ყველამ ისწავლა თანამედროვე ფეხბურთი. კარგადა აქვთ დაყენებული გუნდური ურთიერთქმედებები, უბურთოდ მოძრაობა, გახსნა. ამის გამო არ უჭირთ ბურთის ამოტანა, შეტევის გაგრძელების მრავალვარიანტულობა, რაც პრობლემაა ჩვენი გუნდისათვის. შესადარებლად, თანამედროვე, გუნდური ფეხბურთი იმით განსხვავდება ჩვენი ნაჩვენები თამაშიდან, როცა, ვთქვათ გაჩერებულ მანქანას ერთად ვაწვებით, ხოლო ჩვენს შემთხვევაში - ცალ-ცალკე. აგრეთვე, მნიშვნელოვნად ჩამოვრჩით ფიზიკური მომზადების დონით, რის გამოც სუსტები ვართ ორთაბრძოლებში, არა გვაქვს შესაბამისი სისწრაფე, გამძლეობა. რა გაუხდა ჩვენს ფედერაციას ერთი ძლიერი სპეციალისტის ჩამოყვანა, რომ ჩვენს მწვრთნელებს და ფეხბურთელებს თანამედროვე მეთოდები გააცნოს და აათვისებიოს. არადა ფეხბურთელები მონდომებულები არიან, ლამის თავდადებით თამაშობენ, მაგრამ არასწორი ტაქტიკის გამო ჩვენი ძალისხმევა წყალში იყრება.
მნიშვნელოვანი პრობლემაა შემადგენლობის დაყენება. თავისი არსით, აზაროვი და გოჩოლეიშვილი არ არიან მცველები, არც ფიზმომზადება უწყობთ ხელს, რომ მთელი ორი ტაიმის განმავლობაში აკონტროლონ ფლანგები. ვფიქრობ, მარცხენა ფლანგზე დვალი უნდა ადაპტირდეს, რომელსაც საკმაო სიმაღლე და მოქნილობა გააჩნია, ხოლო მარჯვენაზე - ტაბიძე, რომელსაც ათლეტური მონაცემები გააჩნია და თითქმის გაუვალია. ეს და სხვა მსგავსი ფეხბურთელები ეროვნული ნაკრების მნიშვნელოვანი აქტივია და მათ სათანადოდ უნდა გავუფრთხილდეთ და მოვუაროთ.
არის ბევრი საკითხი, რომელზეც სერიოზული ყურადღებაა მისაქცევი, მაგრამ მთავარი ნაკრების კვალიფიციური მწვრთნელის შემჩნევაა, წინააღმდეგ შემთხვევაში ჩვენ ხუთგუნდიან შესარჩევ ჯგუფში მეოთხე ადგილს ვერ ავცდებით.
ამ პოსტით,თქვენ არ მოგმართავთ,ბატონო ჟორა,რადგან დარწმუნებული ვარ,ეს ყველაფერი,თქვენთვისაც ცხადია.აი აქ მწერალი ახალგაზრდები კი,თუ წაიკითხავენ და დაფიქრდებიან,ძალიან კარგი იქნება.არც მე ვარ მტყუან-მართალის გარკვევის უკანასკნელი ინსტანცია.სხვებსაც აუცილებლად ექნებათ საწინააღმდეგო არგუმენტები,მაგრამ საუკეთესოს ძებნას,კარგიც არ გადავაყოლოთ,ამისი მეშინია და ამისი თქმა მინდა.ასეთი რამე ხომ ადრეც უამრავჯერ დაგვმართნია.