„ჯვაროსნების“ მწვრთნელმა სანიოლმა, წინა შეხვედრისგან განსხვავებით, სასტარტოში მხოლოდ ერთი ცვლილება განახორციელა, მიქაუტაძის ნაცვლად დისკვალიფიკაციამოხდილი კვარაცხელია დააყენა, ხოლო მისმა ვიზავიმ, პოიეტმა, ძირითადი შემადგენლობა უცვლელი დატოვა.
მოლოდინისამებრ, დებიუტი დაძაბული გამოვიდა, ორმხრივი შეტევებით მიმდინარეობდა. კვარაცხელია ორჯერ წააქციეს და ბოლდოკმა ყვითელი ბარათი მიიღო. შემდეგ ციმიკასმა ხვიჩას იდაყვი სახეში ჩაარტყა, რაც მსაჯმა მარჩინიაკმა ვერ შეამჩნია. ტემპი მაღალი არ იყო, ორივე გუნდი ფრთხილობდა, მომენტები თითქმის არ იქმნებოდა. ზივზივაძის ხელით შეჩერებისთვის არბიტრმა ხაციდიაკოსი გააფრთხილა. შემდეგ ყვითელი ბარათი მარჩინიაკმა ბუდუს უჩვენა. მერე ხვიჩა იერიშისას მავროპანოსმა წააქცია და ყვითელი ბარათი დაიმსახურა, საჯარიმოდან ჩაკვეტაძის დარტყმული ბურთი კი მეკარე ვლახოდიმოსმა მოიგერია. ბოლოს შეხლა-შემოხლას ჰქონდა ადგილი და მსაჯმა ჩვენი სათადარიგო მეკარე ლორია და ბერძნების ერთ-ერთი მწვრთნელი გააძევა.
მეორე ტაიმის დასაწყისში „კვარას“ გარღვევას კარის წინ ჩაწოდება მოჰყვა, მაგრამ სტუმრებმა ბურთის გამოტანა მოახერხეს. მატჩი ისევ პოზიციურ ბრძოლაში გადავიდა. სანიოლმა ზივზივაძე მიქაუტაძით შეცვალა. ცოტა ხანში შენგელიამ ტრავმა მიიღო, რომელიც საკაცით გაიყვანეს და მის ნაცვლად მოედანზე წიტაიშვილი შევიდა. როტამ კვარაცხელია კომპენსირებულ დროში მოცელა, ყვითელი ბარათით დაისაჯა და ძირითადი დრო 0:0 დასრულდა.
პირველ ექსტრა ტაიმში ელადელებმა შემოგვიტიეს. ბაკასეტასის დარტყმული ბურთი მეკარე მამარდაშვილმა მოიგერია, მავროპანოსმა ბურთი ხარიხას გაარტყა. სანიოლმა კიტეიშვილი და ჩაკვეტაძე კვეკვესკირით და დავითაშვილით შეცვალა. ბურთი მიქაუტაძემ ჩაჭრა, ზურიკოს გადააწოდა, რომელსაც გატანა მეკარემ არ დაანება.
მეორე ექსტრა ტაიმში ტრავმირებული კვარაცხელია ქვილითაიამ შეცვალა. წიტაიშვილის კარგ დრიბლინგს შედეგი არ მოჰყვა, მიქაუტაძის დარტყმამ მიზანს ვერ უწია. 120-წუთიანი ბრძოლა უგოლოდ დასრულდა, პენალტების სერიაში კი საქართველოს ნაკრებმა იმარჯვა.
გილოცავთ - საქართველოს ნაკრებს გაუმარჯოს! საქართველოს გაუმარჯოს!
თბილისი. „დინამო არენა“
საქართველო - საბერძნეთი 0:0 (პენ 4:2)
საქართველო: მამარდაშვილი, კაკაბაძე, კაშია, კვირკველია, დვალი, შენგელია (წიტაიშვილი 86), ქოჩორაშვილი, კიტეიშვილი (კვეკვესკირი 104), ჩაკვეტაძე (დავითაშვილი 104), კვარაცხელია (ქვილითაია 109), ზივზივაძე (მიქაუტაძე 75)
"ქომაგების" მსვლელობა დაიწყო - ისტორიულ მატჩამდე სულ ცოტა დრო რჩება [VIDEO]
ასე გავაგრძელოთ ევროპის ჩემპიონატზეც!
წინ, საქართველო!!!
ძალიან ბევრი იშრომეს თამაშამდე და თამაშზც იმაზე მეტი გააკეთეს ვიდე შეეძლოთ.
ვინც მეტს იშრომებს და უფრო მეტად ირწმუნებს გამარჯვებაც მას რჩება და ამას სპორტულ იღბალს ეძახიან.
რაც შეეხება თურქეთთან თამაშს გისურვებთ საქმე პირველ ტაიმშივე მოგემთავრებინოთ!
მაგ მომენტში დავრწმუნდი, რომ მოვიგებდით. მადლობა ყველა ემოციისთვის.
ქართულ ფეხბურთს გაუმარჯოს,
მის დღევანდელობასა და ნათელ,ბრწყინვალე მომავალს!
"ბრძოლა" ყველასთან შეიძლება და ... გამარჯვებაც!
09.03.2024
უეფა-ს რეიტინგი:
პორტუგალია -- 7
თურქეთი ----- 9
ჩეხეთი ------- 11
საქართველო - 46
საბერძნეთი----17
ლუქსემბურგი--43