მატჩის დღე! ნუთუ ეს მართლა შეგვიძლია? საქართველო VS ესპანეთი

ბიჭებო არ უნდა იყოს არავითარი შიშის გრძნობა. თქვენ ისედაც უკვე დიდი გმირები ხართ. ითამაშეთ მთელი მონდომებით. თამაშში ჩადეთ სული და გული. ერთი რამ არ დაგავიწყდეთ ვისი გორისა ხართ. წინ ქართველებო ვძლიოდ მეტოქეს. თქვენ ეს შეგიძლიათ

პორტუგალიასთან მამარდამ, ბიჭების ჟინით თამაშმა და ცოტა, ცოტა, იღბალმა მოგვაგებინა.. აი ესპანეთთან კი უფლის წყალობით და იმედით ვიყოთ და იქნება ჩვენ პატარა, ლამაზმა, და სტუმართმოყვარე ერმა გაიხაროს და, იქნებ ეს ერთიანობა ყველაფერში გაგრძელებულიყოს წინ ბიჭებოოოოოოო ლოცვა თქვით გასვლის წინ..

45 წელია, მსოფლიოს და ევროს ჩემპიონატებს ვუყურებ და ვისთვის არ მიგულშემატკივარია, ბრაზილიას თავის დროზე, ჰოლანდიის გაბრწყინებებს, უფრო მეტიც, ერთ დროს, დამპყრობლების ნაკრებსაც კი ვგულშემატკივრობდით, რადგან ქართველებიც თამაშობდნენ იმ ნაკრებებში... დღეს და განსაკუთრებულობას ამ დღეების, ჩემთვის იქ, ადგილზე ყოფნა განაპირობებდა... პირველად ჩემს ცხოვრებაში, ევროპის ჩემპიონატზე თამაშს ვუყურებდი გერმანულ საოცარ სტადიონებზე, პირველად ვმღეროდი 35-40 ათას ქართველთან და იმ გუნდთან ერთად, რომლებმაც ეს სასწაული დღეები გვაჩუქეს...ჩვენი ჰიმნისას გული ყელში გებჯინება, თვალებიდან თქეშად წამოსულ ცრემლებს ვერ იკავებ, მაგრამ მაინც ახერხებ ხმამაღლა დასჭექო თავუსუფლების სადიდებელი ჰიმნი... ამ გუნდმა უკვე გააკეთა სასწაული და პირადად მე განსაცვიფრელად კმაყოფილი ვარ, თან მჯერა რომ ბიჭების რწმენამ და მოტივაციამ მოიმატა, რადგან ხედავენ, რომ სწორედ მათი შრომის, ოფლის, ტკივილის შედეგია, როცა ასეთ ბედნიერ ერს ხედავენ, ასე, რომ გვიფრთხილდნენ ესპანელებიც და რაც მთავარია, - ჩვენი ჯვაროსნები ღირსეულად იბრძოლებენ, ამაში დარწმუნებული ვარ, წინ საქართველო!

ხვიჩას და ჟორჟს ბევრი გოლების გატანას ვუსურვებ.
მოწინააღმდეგე გუნდებს ჩვენგან ბევრი სიურპრიზი ელის. ძალიან მაგრად ჩაატარებენ მომავალ მატჩებს ჩაკვე, კიტე, ლობჟანიძე, შენგელია, გოჩო, სიგუა, გველესიანი, ბუდუ.

კოლხ~იბერიელნო, თქვენ თქვენი საქმე უკვე გააკეთეთ, უკვე გმირები ხართ.
ახლა თქვენი და თქვენი ქვეყნის სიხარულისთვის ითამაშეთ, ოღონდ თავდადებით, ისე თითქოს ბოლო თამაში იყოს.
აბა თქვენ იცით, სამშობლოს თქვენი სჯერა, წინ ევროპაში შესასვლელად და დასაპყრობად! ამინ.

ეს არარის ევროპის ჩემპიონატზე დებიუტი, ეს არის ჩვეულებრივად ანშლაგით შევარდნა ამ დიდ სცენაზე ისე როგორც ჩვენ ხასიათში ზის. ჩვენ ხო შუალედები არგვიყვარს ან ძაან ვინდომებთ და გამოგვდის ან ძალიან არ გამოგვდის. მართლა ვერ წარმოვიდგენდი ესეთ გამოსვლას ყველა ნეიტრალური გულშემატკივარი ჩვენ გვიჭერს მხარს, ესპანეთთან არაფერი ახალი ისევ ისეთი თავდადებით და ყველაფერი კარგად იქნება ღმერთით, მთავარია ბრძოლა ბრძოლა და კიდევ ერთხელ ბრძოლა.

რეალურად რომ შევხედოთ საკითხს და იმას თუ რაშია ჩვენი ნაკრების შანსი, გასაგები გახდება, რომ ესპანელებს თამაშის ტემპში ვერ ავყვებით, ამისთვის უბრალოდ ფიზიკური გამძლეობა არ იქნება საკმარისი, ვერც ბურთის ფლობასა და კონტროლში ვაჯობებთ, რაც თავიდანვე ნათელი იყო, შესაბამისად, ერთადერთ ტაქტიკაა ზონების მაქსიმალურად ამოქოლვა ჩვენს ნახევარზე და სწრაფი კონტრ ჩხვლეტების ორგანიზება. ამისათვის ძალიან მნიშვნელოვანია პირველ ტაიმში გოლი არ მივიღოთ, მითუმეტეს სწრაფი. ამის მისაღწევად პირადად ჩემი აზრით პირველ რიგში მაქსიმალურად უნდა ვეცადოთ, რომ ფლანგები ამოვუკეტოთ მოწინააღმდეგეს, რადგან თუ ჩავლილ შეხვედრებს გადავავლებთ თვალს,ნათლად დავინახავთ იმას, რომ მთავარი საფრთხეები ნიკო უილიამსისგან და ლამინ იამალისგან მოდის. საჭიროა განაპირა მცველების მაქსიმალური კონცენტრაცია + დაზღვევაზე 1-2 მეტრის რადიუსში მუდამ ერთი ფეხბურთელის ყოფნა. დაცვაში პრესინგზე სამივე ცენტრალური ნახევარცმველი (კიტე,ქოჩორა,ჩაკვე) ეფექტურად მუშაობენ, ამიტომ მათი როლი აღნიშნულ თამაშში შეუფასებელი იქნება და თუ გვარიანად გაირჯებიან, დიდია იმის შანსი, რომ ესპანეთსა პირველივე ტაიმში საწადელს ვერ მიაღწიოს. თუ ეს ასე მოხდა, მეორე ტაიმში ისინი ანერვიულდებიან, მეტ შეცდომას დაუშვებენ და უკან ზონებსაც მეტად მოაშიშვლებენ, რითაც კარგად უნდა ისარგებლონ ჩვენმა გამქცევმა ფეხბურთელებმა (კვარა,ჩაკვე,ჟორჟი). არ იქნებოდა ურიგო თამაში ძირითადში კარგად დასვენებულ ბუდუ ზივზივაძეს დაეწყო და პირველი 60-65 წუთის მანძილზე ეცადა მაქსიმალურად დაეღალა ჭიდაობით მოწინააღმდეგის ცენტრალური მცველები, რასაც მეორე ტაიმიდან დასვენებული მიქაუტაძის გამოსვლა მოყვებოდა და სისწრაფეებში უპირატესობის მიღწევა იქნებოდა შესაძლებელი შედარებით დაღლილ ესპანურ დაცვის ხაზთან. თუ გამქცევებზეა საუბარი, რაღაც მომენტში ალბათ უპრიანი იქნებოდა ლობჟანიძის ან დავითაშვილის გამოყვანა მარჯვენა ფლანგზე. რაც შეეხება კვარაცხელიას, კარგი იქნებოდა ის ამ თამაშში შეძლებისდაგვარად გათავისუფლებულიყო დაცვითი ფუნქციებისგან და ძალები წინ, სწრაფი შეტევის ორგანიზებისთვის შემოენახა, რადგან ამ ნაწილში ის ფაქტიურად უალტერნატივოა.

ესპანეთი აღნიშნულ ევროზე პირადად ჩემთვის ფავორიტთა ტოპ სამეულში შედის გერმანიასა და საფრანგეთთან ერთად, რაც მათ დომინანტური თამაშით უკვე დაამტკიცეს და აღარაფერი დატოვეს ხორვატიისგან, უშანსოდ მოუგეს იტალიის ნაკრებს, ამიტომ ამ ბარიერის გადალახვა შეიძლება ჩემპიონობასთაც კი გავაიგივოთ, რომ აღარაფერი ვთქვათ იმაზე, რომ თუკი მათ წინაღობას დავძლევთ, ევროპის 8 საუკეთესო ნაკრებ გუნდში ავტომატურად ვხვდებით, რაც თავისთავად უკვე თავს ზემოთ ახტომა იქნება.

ბატონებო თქვენი გამკვირვებია: რატომ ერთხელ მაინც არავინ არ გაიხსენა ჩვენი ნაკრების "რუხი კარდინალი" - კიტე? და რატომ არ ახასიათებთ მის თამაშს პორტუ-იბერიელებთან? უკმაყოფილო ხართ? კიტე ხომ წელს გახდა მიმდინარე ევროპის ჩემპიონატის ერთ-ერთი საუკეთერსო გუნდის - ავსტრიის შიდა ჩემპიონატის საუკეთესო ფეხბურთელი! მისი მოედანზე ყოფნა - "წელს" უმაგრებს კოლხ-ივერიელებს!

ჩვენ ვცხოვრობთ ზღაპარში, წარმოუდგენელია რაც ხდება, 1 წლის წინ ვინმეს რომ ეთქვა ეს ყველაფერი ალბათ არავინ დავიჯერებდით. რწმენას მოაქვს ეს ყველაფერი, ღმერთი გვეხმარება, რაც ვიტანჯეთ ამდენი წლის განმავლობაში მუდმივი წაგებით ნელნელა ვანაზღაურებთ. მთელმა მსოფლიომ გაგვიცნო ყველა ჩვენზე საუბრობს, ესპანეთთან წნეხის გარეშე და თითოულ ბურთზე თავი უნდა გაწიროს ყველა ფეხბურთელმა ღმერთი თქვენსკენ

მხედველობაშია მისაღები ასეთი გარემოება: შეხვედრის არბიტრი ფრანგია, ასევე ფრანგია საქართველოს ნაკრების მწვრთნელი, ამიტომ მსაჯის სიმპათია ჩვენი ნაკრების მხარეს უნდა იყოს. თუ ეს მიზეზი არ იმუშავებს არის მეორეც, მსაჯი ფრანგია და რა თქმა უნდა ჩემიონატში საფრანგეთის გამარჯვება უნდა, ამიტომ მისთვის და საფრანგეთის ნაკრებისთვისთვის გაცილებით მომგებიანია შემდეგ ეტაპზე საქართველო გავიდეს და არა ესპანეთი. ბიჭებო ხომ ხედავთ მსაჯის სიმპათიის პრობლემა მე მოგიგვარეთ, დანარჩენს თქვენ უნდა მიხედოთ.