სფფ-ის პრეზიდენტმა ლევან კობიაშვილმა "რუსთავი 2"-თან საუბარში იმ მიზეზზე ისაუბრა, რის გამოც საქართველოს ნაკრების მატჩი "დინამო არენაზე" არ გაიმართება. კობიაშვილი ასაჯაროვებს იმ დოკუმენტს, რომელიც სტადიონის ადმინისტრაციისგან ფედერაციამ მიიღო.
წერილში საუბარია, რომ ერთ-ერთი იარუსი დეტალურ შემოწმებას საჭიროებს, ფედერაციამ კი გადაწყვეტილება სწორედ ამ პასუხზე დაყრდნობით მიიღო.
"როდესაც ჩვენ გვქონდა კომუნიკაცია სტადიონის ადმინისტრაციასთან, მათგან მივიღეთ როგორც წერილობითი, ასევე სიტყვიერად დასტური, რომ ამ წუთისთვის მათ არ შეუძლიათ სრული ტევადობით მოგვცენ სტადიონი.
ეს არის ოფიციალური თამაში, რომელიც ტარდება UEFA-ს ეგიდით, შესაბამისად, ჩვენთვის ძალიან მნიშვნელოვანია ის
არა მგონია, რომ იმ მცირე ჯგუფს, რომელიც ამ თემაზე სპეკულირებს, საერთოდ ან ფეხბურთი აინტერესებდეს ჩვენ ქვეყანაში, ან ხალხი და ზოგადად რამე, ამიტომ მათ თავიანთი დღის წესრიგი აქვთ, რაც სამწუხაროა.
თუმცა, კიდევ ერთხელ შეგვიძლია დავადასტუროთ, რომ სტადიონის ადმინისტრაციიდან მოვიდა ჩვენთან წერილი და, ასევე, სიტყვიერად გვქონდა მათთან საუბარი, თუმცა არსებობს წერილი, სადაც ისინი საუბრობენ ამ პრობლემასთან დაკავშირებით. შესაბამისად, თუ რამე სხვა წერილი მისცეს, სხვა წერილი აქვს ადმინისტრაციას მიცემული ტელევიზიისთვის - ჩვენთვის ეს უცნობია. ჩვენ შეგვიძლია დავადასტუროთ ის, რომ არსებობს წერილი, რომელიც გამოგვიგზავნა ადმინისტრაციამ, სადაც საუბრობენ იმ პრობლემასთან დაკავშირებით, რომელიც ჩვენთვის ყველასთვის ცნობილია - პირველ იარუსთან დაკავშირებით", - თქვა კობიაშვილმა.
