"ერთა ლიგის" სტარტი მოახლოვდა. ევროპის ჩემპიონატზე ჩეხებთან ჩატარებული მატჩის, გამოძახებული ფეხბურთელების, სათამაშო ფორმისა და მომავალი ტაქტიკის გათვალისწინებით, იმავე გუნდთან ვილი სანიოლისგან ძირითად შემადგენლობაში 4 ცვლილებას ველით.
მეკარე
გიორგი მამარდაშვილმა ჰამბურგში ჩატარებულ შეხვედრაში პირველივე წუთებიდან "იფრინა". ის კარგ ფორმაშია და იმას ვისურვებთ, ახლა ნაკლები საქმე ჰქონდეს.
დაცვა
გერმანულ დაპირისპირებაში საბა კვირკველია თამაშობდა, შემდეგ კი სანაკრებო დებიუტი გიორგი გველესიანს ჰქონდა. ახლა საბა ნაკრებში არაა, გიორგი კი პირველივე წუთებიდან უნდა ვიხილოთ. "ჯვაროსნებში" არც საზონოვია, თუმცა მარჯვენა ცენტრალური მცველის პოზიციაზე კიდევ ორი ალტერნატივაა -
კაპიტანი გურამ კაშია და ლაშა დვალი ამ ეტაპზე შეუცვლელები არიან.
ფლანგები
ირაკლი აზაროვის დაბრუნებისა თუ გიორგი გოჩოლეიშვილის კარგი ფორმის მიუხედავად, ვვარაუდობთ, სანიოლი ფლანგებს არ შეცვლის და ოთარ კაკაბაძე კვლავ მარჯვენა ფრთას ჩაიბარებს, გიორგი წიტაიშვილი კი, რომელიც გუნდში მარჯვენა ნახევარმცველია - მარცხენას.
როგორ ფორმაში არიან ფეხბურთელები? - იხილეთ აქ -
ისევ ხვიჩა და ბუდუ, რომელსაც გააქვს - როგორ ფორმაში ჩამოდიან საქართველოს ნაკრების ფეხბურთელები...
ნახევარდაცვა
შუა ხაზი ის ადგილია, სადაც ჩეხებთან ბოლო დაპირისპირების შემდეგ ყველაზე მეტი ცვლილება იქნება. ამას ის განაპირობებს, რომ ოთარ კიტეიშვილი მაშინ ტრავმირებული იყო, რომელზეც ჩვენს ნაკრებში ბევრია დამოკიდებული. პირველივე წუთებიდან ზურიკო დავითაშვილის ნაცვლად ველით გიორგი ჩაკვეტაძესაც, რომელიც ევროპირველობის შეხვედრაში გვიან ჩაერთო.
გიორგი ქოჩორაშვილმა ყველაზე ბოლოს (ორშაბათს) ითამაშა, თვალწარმტაცი საგოლე პასი გააკეთა და ახლა მისი ნაკრებში გვეიმედება.
შეტევა
საქართველოს ნაკრების წარმატებული სტილისა და ხელწერის მიუხედავად, მიგვაჩნია, თბილისში ჩეხებს უფრო უნდა შევუტიოთ, მოწინააღმდეგის საჯარიმოში კი მეტი დრო გავატაროთ. მათთვის კვლავ ბურთის მთლიანად დათმობა და ჩაწოდებების საშუალების მიცემა, თუგინდ ამას ჩვენი მწვავე კონტრშეტევები მოჰყვეს, საუკეთესო გადაწყვეტილება არ გვგონია. ამ ფაქტორისა და ახალი სეზონის მონაცემების გამო, სავარაუდოდ, ხვიჩა კვარაცხელიას შეტევაში ბუდუ ზივზივაძე შეუწყვილდება, გიორგი მიქაუტაძე კი ამჯერად სათადარიგოთა სკამზე იქნება. "ჟორჟს" სარგებლის მოტანა სათადარიგოთა სკამიდან შეუძლია. ბოლოს ის ამ რანგში საბერძნეთთან ფინალურ დაპირისპირებაში ვნახეთ. ბუდუს ჰამბურგში ჩეხებთან საერთოდ არ უთამაშია.
შეგახსენებთ, 7 სექტემბერს (20:00 სთ) მიხეილ მესხის სახელობის სტადიონზე ნაკრები ჩეხეთს უმასპინძლებს. 10 სექტემბერს (22:45 სთ) ტირანაში საქართველოს ნაკრების მეტოქე ალბანეთის ეროვნული გუნდი იქნება.
ისევ ჩეხეთის წინააღმდეგ - რა უნდა შეცვალოს სანიოლმა ევროპის ჩემპიონატის შემდეგ...
ჩეხების ჩაწოდებები და "კვარა" მათი მთავარი საფიქრალი - ევროპის ჩემპიონობა, პანენკას პენალტი...
მე ტოტალიზატორში მომიწია ყურებამ და ცალი თვალით იმათაც ვუყურებდი.
ჩეხეთს პირველ ტაიმში კაცი გაუგდეს,მაგრამ კაცნაკლულებმა თამაშით აჯობეს თურქეთს და ზუსტად ისე ითამაშეს როგორც ჩვენთან,
ცხოველური ფიზიკის ხარჯზე უპირატესობა ჰქონდათ,მაგრამ გოლის გატანა არ იციან.
ანუ ეგაა მაგათი სტილი და სავარაუდოდ სულ მასე თამაშობენ სწორხაზოვნად.
ასე რომ ვილი და მისი შტაბი რამეს მოიფიქრებს.
ჩვენ კვარაცხელია,ჩაკვეტაძე და კიტეიშვილი გვყავს არ დაგვავიწყდეს ეს ბიჭები ბარეორს გაძლევენ შუაზე და კიდე ერთი დიდი პლიუსი ყველა გუნდისთვის მეგობრული და დადებითი ატმოსფეროა.
დანარჩენი შაბათს გამოჩნდება.
ამ ბიჭებმა ფინალურს გემო გაუგეს და ახლა ამათზე მეტად არავის არ უნდა მსოფლიოზე გასვლა