![](https://sportall.ge/pictures/image5/27a99b182c6dd00362c5bb986a8fa712.jpg)
თამაში ორივე გუნდმა ფრთხილად დაიწყო, პირველი მომენტი სტუმრებმა შექმნეს, როდესაც შიკის დარტყმული ბურთი მამარდაშვილმა მოიგერია. ჩეხები გარკვეული პერიოდი უპირატესობას დაეუფლენ, უფრო მარჯვენა ფლანგიდან გვიტევდნენ, საიდანაც ცენტრში აკეთებდნენ გადაცემებს. მასპინძლები სწრაფი კონტრიერიშებით ცდილობდნენ მიზნის მიღწევას, კვარაცხელიას გარღვევას და ჩაკვეტაძის დარტყმას შედეგი არ მოჰყვა. შემდეგ ცოუფალმა ხვიჩას სახეში იდაყვი ჩაარტყა და ყვითელი ბარათი მიიღო. მერე ჩაკვეტაძის დარტყმულ ბურთს მეკარე კოვარჟი დაეუფლა, ქოჩორაშვილმა მცირედით ააცილა ბურთი კარს. 32-ე წუთზე კრეიჩმა
„კვარა“ საჯარიმოში წააქცია და პენალტი თავად დაზარალებულმა ზუსტად შეასრულა. ქოჩორაშვილთან უხეშობის გამო მსაჯმა ყვითელი ბარათი კრალს უჩვენა. ბოლოს მიქაუტაძემ ვერ უწია მიზანს და პირველი ტაიმი 1:0 დასრულდა.
ცოტა ხანში ლოჩოშვილის ჩაწოდებულ ბურთს მიქაუტაძემ კოვარჟის კარში მიუჩინა ადგილი და ანგარიში გაზარდა. ამითაც არ დაკმაყოფილდნენ ჩვენი ფეხბურთელები და ბრწყინვალე კომბინაციის შედეგად ჩაკვეტაძის დახატული პასი ქოჩორაშვილმა დიდებულად დაასრულა. „ჯვაროსნების“ თავკაცმა სანიოლმა ოთხმაგი ცვლილება გააკეთა: კაკაბაძის, კიტეიშვილის, ჩაკვეტაძის და მიქაუტაძის ნაცვლად მოედანზე გოჩოლეიშვილი, ნონიკაშვილი, დავითაშვილი და ზივზივაძე შეუშვა. ვიზავიმ კი მხოლოდ პრესტიჟის გოლის გატანა შეძლო.
მომდევნო შეხვედრას ჩვენი გუნდი 10 სექტემბერს გასვლაზე ალბანეთთან ჩაატარებს.
საქართველო - ჩეხეთი 4:1
გოლები: 1:0 კვარაცხელია (33, პენ), 2:0 ჩაკვეტაძე (53), 3:0 მიქაუტაძე (63), 4:0 ქოჩორაშვილი (66), 4:1 კალვახი (80)
საქართველო: მამარდაშვილი, კაკაბაძე (გოჩოლეიშვილი 75), კაშია, გველესიანი (გოგლიჩიძე 88), დვალი, ლოჩოშვილი, ქოჩორაშვილი, კიტეიშვილი (ნონიკაშვილი 75), ჩაკვეტაძე (დავითაშვილი 75), კვარაცხელია, მიქაუტაძე (ზივზივაძე 75)
დღეს საქართველოს ნაკრები ევროს შემდეგ ახალ ეტაპს იწყებს - ფიქრი მსოფლიო ჩემპიონატზე!..