"ქაცვები ქართველებზე უკეთ შეარჩიეს, რამაც გადამწყვეტი როლი ითამაშა" - უკრაინელმა მენეჯერმა საინტერესო დეტალზე გაამახვილა ყურადღება

უფრო ზუსტად რომ ვთქვათ, უკრაინელებმა სწორად შეარჩიეს ქაცვები ( ე.წ. შიპები), ხოლო ქართველებს საერთოდ არ შეურჩევიათ... არადა, დარწმუნებული ვარ, ფედერაციაში აუცილებლად იქნება ვიღაც (ვიღაცეები), ვინც ამაში გვარიან გასამრჯელოს იღებს... შედეგად, ჩვენი ბიჭები რიგ-რიგობით ეცემოდნენ, მხოლოდ ქოჩორას 4-ჯერ დაუცდა ფეხი პირველ ტაიმში, კიტეიშვილმა სწორ ადგილზე კინაღამ ფეხი მოიტეხა, მამარდაშვილი გოლის დროს უბრალოდ ვერ გადახტა, კარში დარტყმა ვინც გადაწყვიტა, ყველამ პოზნანელი ყვავები გააფრთხო და რომელი ერთი ჩამოვთვალო... ხოლო უკრაინელთაგან ერთადერთხელ სუდაკოვს 83-ე წუთზეღა დაუცდა ფეხი, რადგან ყველაზე მეტს დარბოდა და ცოტათი შენგელიც "წაეხმარა"... ცალკე თემაა, რამდენად იყო უკრაინელების ბრალი მინდვრის საფარის ასეთი მდგომარეობა. მგონი, ყველა დამეთანხმება, რომ ის წყალდიდობები, მთელ ევროპას რომ გადაუარა, უკრაინელების შეკვეთილი ვერ იქნებოდა. მათ უბრალოდ იცოდნენ, როგორ პირობებში მოუწევდათ თამაში, სავარაუდოდ, არანაირი ღონისძიება არ მიიღეს მინდვრის საფარის დასაშრობად ( გიჟები ხომ არ არიან, თუ მაინცდამაინც, ეს ჩვენებს უნდა მოეთხოვათ) და სწორედ იმ პირობებისთვის მოემზადნენ ვარჯიშითაც, ეკიპირებითაც და ყველანაირადაც... რათქმაუნდა, ჩვენ ეს ყველაფერი, მინიმუმ, არასპორტულად მიგვაჩნია, თუმცა თუ უკეთ დავფიქრდებით, სპორტის ენაზე ამას საკუთარი მოედნის უპირატესობის გამოყენება ჰქვია და სანამ შემეკამათებით, ცოტაც გამიძელით: ამ ორი დღის წინ იყო ბოლივია-კოლუმბია, ყველამ ვიცით, რომ მთელი სამხრეთ ამერიკა უჩივის ლა-პასის 4 ათას მეტრზე ატყორცნილ სტადიონს, სადაც ბოლივიელთა გარდა ყველას უჭირს სუნთქვა... ჰოდა მაგ ბოლივიელებმა ყველა და ყველაფერი დაიკიდეს (ნუ, ძალიან სჭირდებოდათ მოგება) და კიდევ ათასი მეტრით მაღლა მდებარე სტადიონზე უმასპინძლეს კოლუმბიას, - შედეგად, დაამარცხეს თავისზე ბევრად ძლიერი, ბოლო 2,5 წლის განმავლობაში დაუმარცხებელი გუნდი და თანაც მე-20 წუთიდან უმცირესობაში იყვნენ... კოლუმბიელები რას იზამდნენ, ჟანგბადის ბალონებით ვერ გავიდოდნენ სათამაშოდ, მაგრამ ჩვენ კი ნამდვილად შეგვეძლო ისეთი ' წვრილმანის" გათვალისწინება, როგორიც ქაცვებია, მითუმეტეს, რომ თანამედროვე ფეხბურთში წვრილმანები, დიდიხანია, აღარ არსებობს და თუ ბობოლებში გარევა გვინდა ( რავი, მგონი კი გვინდა), ასეთ "წვრილმანებს" ისევე უნდა მივუდგეთ, როგორც ბობოლები უდგებიან... ეგ ბობოლები კი გასვლით თამაშებზე ერთი თვითმფრინავი სტაფით ჩადიან თავის მზარეულ-დამლაგებლიანად და ქაცვების იმხელა არსენალი აქვთ მარაგში, ბოლივიელ ალპინისტებსაც რომ არ დაესიზმრებათ...

30 წელია მსოფლიო და ქართულ ფეხბურთს ვუყურებ რაც არ მინახავს პირადათ მაგრამ ქართული გაშუქებული მოთხრობებიდან ვიცი თბილისის დინამო მაგრამ ყველას გვავიწყდება საბჭოთა კავშირში თბილისის დინამო კარგი გუნდი იყო მაგრამ უარყოფითი ბალანსი კიევის დინამოსთან და მოსკოვის დინამოსთან ქონდა პირველი გუნდი ვინც საბჭოთა კავშირში საერთაშორისო ტიტულს მიაღწია კიევის დინამო იყო ჩვენ ორი ჩემპიონობა გვაქვს ხოლო კიევის დინამო რეკორდსმენია ჩემპიონობის ასე რა გაგიკვირდათ ან რა გეწყინათ მე თქვენი რუსეთუმე დედა ვატირე რუსები ყოველთვის ჩემპიონობას გვართმევდნენ საბჭოეთის დროს თანამედროვე ისტორიაში რაგბიში ხან ციმბირში თოვლში და ხან ჭაობში გვეთამაშეს მაგრამ მაგათი დედა ვატირეთ უკრაინასთან წავაგეთ რა მოგივიდათ წავაგეთ ფეხბურთი თანაბარ ბრძოლაში სპორტში ამდენი რუსეთუმე საიდან გაჩნდით სად იმალებოდით მე თქვენი დედა ვატირე მადლობა ბიჭებს მეამაყებით იმედია რუსეთი მალე დასრულდება ყველგან