დონეცკის "შახტარის" მწვრთნელმა პაულო ფონსეკამ ქართველი ცენტრალური მცველი დავით ხოჭოლავა ჩემპიონთა ლიგაზე "ნაპოლისთან" არ ათამაშა, არც უკრაინის ჩემპიონატზე "ოლიმპიკთან", "ვერესთან" სათასო მატჩში სასტარტოში დააყენა და არ შეუცვლია, ამავე გუნდთან კი ქვეყნის პირველობის შეხვედრაში ისევ თადარიგში დატოვა. 6 დეკემბერს დონბასური გუნდი ჩემპიონთა ლიგის ბოლო ტურში უმოტივაციო "მანჩესტერ სიტის" ხარკოვში მასპინძლობს და თუ დამარცხდა, ჯგუფში ჩარჩება. "ვერესთან" ნამატჩევს ჟურნალისტებმა ასეთი შეკითხვა დაუსვეს პორტუგალიელს:
- თასზე ხოჭოლავა ათამაშეთ, დღეს - ორდეცი. ეს ჩემპიონთა ლიგის წინ ერთგვარი ტესტი იყო თუ ამ პოზიციაზე უკვე გადაწყვეტილი
ამაზე პაულომ ასე უპასუხა:"არა, ეს ტესტი არ ყოფილა. მე შემადგენლობაში იმას ვაყენებ, ვინც კონკრეტულ შემთხვევაში უფრო საჭიროა გუნდისთვის. ჯერ არ ვიცი ვის ვაასპარეზებ "სიტისთან", ამაზე ფიქრს ახლა ვიწყებთ. აქამდე ამისათვის არ მეცალა".
![ჩემპიონთა ლიგა. VI ტური: "ბარსელონა" წინ მიიწევს - "სიტის" ვარდნა გრძელდება [VIDEO]](/pictures/image7/c8e7d601e4694196b77c5c02b5cb7d29.jpg "ჩემპიონთა ლიგა. VI ტური: \"ბარსელონა\" წინ მიიწევს - \"სიტის\" ვარდნა გრძელდება [VIDEO]")
