უნგრეთის ჩემპიონატზე კარგად ვერ მისდის საქმეები ქართველების "ბალმაზუივაროშს", რომელიც 10 მარტს ბუდაპეშტში ლიდერ "ფერენცვაროშთან" განადგურდა (0:5) და 23 ქულით სატურნირო ცხრილში ბოლოსწინა, მე-11 ადგილზეა. ეს შეხვედრა შეუცვლელად ჩაატარა ლაშა შინდაგორიძემ, ირაკლი მაისურაძე სასტარტოში იყო და 74-ე წუთზე შეცვალეს, ხოლო ბაჩანა არაბული განაცხადში არ ყოფილა.სამაგიეროდ "ბალმაზუივაროში" წარმატებით ასპარეზობს თასზე. თუმცა, ისიც უნდა ითქვას, რომ კენჭისყრისას უმართლებს და ჯერჯერობით ქვედალიგელებს ეთამაშა - 1/8 ფინალში მე-2 ლიგის "დიორ ეტოს" სძლია, დღეს კი 1/4 ფინალის პირველ მატჩში სახლში ასევე მე-2 ლიგის "ბეკესშაბა" დაამარცხა
დღევანდელ შეხვედრაში არაბული განაცხადში ისევ არ იყო, შინდაგორიძე 58-ე წუთზე შევიდა შეცვლაზე, მაისურაძე კი სათადარიგო იყო.
![არაბული ბერძნული გრანდების რისხვაა - მისი გუნდი ისევ დამარცხდა [VIDEO]](/pictures/image7/8e1f1ce1aee1a59d332374ba0e4b0eee.jpg "არაბული ბერძნული გრანდების რისხვაა - მისი გუნდი ისევ დამარცხდა [VIDEO]")
