ლეგიონის უქმეები: კანკავასა და ხოჭოლავას სადებიუტო გოლები [VIDEO]

გასულ უქმეებზე რამდენიმე ქართველი ფეხბურთელის გოლი ვიხილეთ. სადებიუტო გოლის გატანა მოახერხა დავით ხოჭოლავამ, 5-წლიანი პაუზის შემდეგ საკლუბო დონეზე შეძლო გოლის გატანა ჯაბა კანკავამ, კვლავ გაიტანეს ლუკა ზარანდიამ და გიორგი ქვილითაიამ.

ესპანეთი. ლა ლიგა 2. გიორგი პაპუნაშვილის "სარაგოსამ" "უესკა" 1:0 დაამარცხა. პაპუნაშვილი მოედანზე 55-ე წუთზე შევიდა.

ოთარ კაკაბაძის "ხიმნასტიკმა" "ვალიადოლიდს" 1:0 მოუგო. კაკაბაძემ მოედანზე 90 წუთი დაჰყო.

ჰოლანდია. ერედივიზიე. გურამ კაშიას "ვიტესი" "ბრედას" ესტუმრა და 0:1 წააგო. ქართველმა კაპიტანმა შეუცვლელად ითამაშა და ყვითელი ბარათი მიიღო. "ვიტესი" ბოლო 4 მატჩია ვერ იგებს.

ბელგია. ჟუპილერლიგა. "გენტმა" ლიდერ "ბრიუგეს" 1:0 მოუგო და სატურნირო ცხრილში მეორე ადგილზეა. გიორგი ჩაკვეტაძე 63-ე წუთზე შევიდა მოედანზე.

პორტუგალია. სეგუნდა. ავთო ებრალიძის (90 წთ) "ვიზეუ" შინ ბოლოადგილოსან "რეალს" დაუზავდა - 2:2.

პოლონეთი. ექსტრაკლასა. რეგულარული სეზონის ბოლო ტურმა ჩემპიონობისა და დარჩენისთვის მებრძოლი 8-8 კლუბი გაარკვია. ქართველთა გუნდებიდან საჩემპიონო ბრძოლას მხოლოდ "პლოცკი" და "კორონა" განაგრძობენ. გიორგი მერებაშვილის გარეშე მოთამაშე "პლოცკმა" სტუმრად "იაგელონიას" 3:1 მოუგო. ნიკა კაჭარავას "კორონა" სტუმრად დაუზავდა "შლიონსკს" - 1:1. კაჭარავა მოედანზე 58-ე წუთზე გამოჩნდა.

ლუკა ზარანდიას "არკა" სტუმრად "ლეხიასთან" 2:4 დამარცხდა და რვა საუკეთესოს მიღმა, მე-9 ადგილზე დარჩა. ზარანდიამ შეუცვლელად ითამაშა და მახვილი კუთხიდან გოლიც გაიტანა მე-2 ტაიმში.


ლაშა დვალის (90 წთ) "პოგონი" სტუმრად "ლეგიასთან" დამარცხდა - 0:3, ხოლო ნიკა კვანტალიანის (არ უთამაშია) "ტერმალიცა" სტუმრად 1:1 დაუზავდა "პიასტს".

I დივიზიონი. გუგა ფალავანდიშვილის (90 წთ) "პოდბესკიძიე" შინ "ლენჩნას" დაუზავდა - 0:0.

ავსტრია. ბუნდესლიგა. გიორგი ქვილითაიას "რაპიდმა" შინ "ზანკტ პოლტენს" მოუგო - 2:1. ანგარიში სწორედ ქართველმა ლეგიონერმა გახსნა თავისივე მოპოვებული პენალტით. მან 90 წუთი ითამაშა. ზედიზედ სამი მოგების შემდეგ "რაპიდი" უკვე მესამე ადგილზეა. ეს ქვილითაიას მე-7 გოლია ამ სეზონში. მან უკვე გაიმეორა შარშანდელი, სადებიუტო სეზონის შედეგი.


რუსეთი. პრემიერლიგა. გიორგი ნავალოვსკის (90 წთ) სკა შინ "ამკართან" 0:2 დამარცხდა. ტრავმირებული თორნიკე ოქრიაშვილის "კრასნოდარმა" სტუმრად "ზენიტს" 2:1 მოუგო, ტრავმირებული გია გრიგალავას "არსენალმა" კი - ჯიმი ტაბიძის (90 წთ) "უფას" - 2:1. საბა კვირკველიას "ლოკომოტივი" კვლავ პირველ ადგილზეა. გუნდმა "როსტოვს" 1:0 მოუგო, საბამ კი შეუცვლელად ითამაშა და "ჩემპიონატისგან" 7 ბალი დაიმსახურა. ტრავმირებული გიორგი ჭანტურიას "ურალი" სტუმრად "ტოსნოს" 2:2 დაუზავდა. ასევე ტრავმირებული ჯანო ანანიძის "სპარტაკი" სტუმრად 4:1 გაუსწორდა "ანჟის", რომლის რიგებშიც მეკარე გიორგი ლორია სათადარიგო იყო.

დანია. სუპერლიგა. საბა ლობჟანიძის "რანდერსი" სტუმრად "სონდერისკესთან" 0:1 დამარცხდა. ჩვენებურმა 90 წუთი ითამაშა. მათე ვაწაძეს ყოფილი გუნდის წინააღმდეგ თავის გამოჩენის შანსი არ მიეცა, "სილკებორგი" "ორჰუსს" ესტუმრა და 1:2 დამარცხდა. წაგებულთა რიგებში ითამაშა მეორე ჩვენებურმა, დავით სხირტლაძე მე-80 წუთზე გამოცვალეს.

უკრაინა. პრემიერლიგა. დონეცკის "შახტარის" მცველმა დავით ხოჭოლავამ "ვერესთან" უკრაინის პრემიერლიგის მატჩში სადებიუტო გოლი გაიტანა.

"შახტარმა" "ვერესს" სტუმრად 2:0 სძლია. მეორე გოლი ქართველმა მცველმა მარლოსის პასის შემდეგ გაიტანა. ხოჭოლავამ მატჩი სრულად ჩაატარა.

საფეხბურთო პორტალმა football.ua-მ დონეცკის "შახტარის" ქართველი მცველი დავით ხოჭოლავა გამოარჩია და 26-ე ტურის სიმბოლურ ნაკრებში შეიყვანა.

▶ ლამის ორმეტრიანი დავითი - ხოჭოლავა უკრაინის პრემიერლიგის 26-ე ტურის სიმბოლურში


"შახტარის" დუბლების შეხვედრაში 0:0 დაფიქსირდა სტუმრად "ოლექსანდრიასთან". ტრავმირებულ გიორგი არაბიძეს არ უთამაშია. ანდრო გიორგაძისა (90 წთ) და სანდრო კობახიძის (68-ე წუთზე შეცვალეს) "ვორსკლამ" შინ მოუგო "მარიუპოლს".

შვეიცარია. სუპერლიგა. ვაკო გვილია კვლავ ტრავმირებულია, მისი "ლუცერნი" სტუმრად "თუნთან" 0:1 დამარცხდა.

ჩეხეთი. I ლიგა. ირაკლი სიხარულიძის (სათადარიგო) "სლოვაცკო" სტუმრად "კარვინას" დაუზავდა - 0:0.

სლოვაკეთი. ფორტუნა ლიგა. ვახტანგ ჭანტურიშვილის (90 წთ, გააფრთხილეს) "ტრნავამ" შინ "სლოვანს" 1:0 მოუგო. გიორგი ბერიძის (სათადარიგო) "ტრენჩინი" შინ "დუნაისკა სტრედასთან" დამარცხდა - 1:3.

უნგრეთი. OTP ბანკ ლიგა. ქართველთა "ბალმაზივაროში" სტუმრად "ჰონვედთან" დამარცხდა - 0:2. ირაკლი მაისურაძე სასტარტოში იყო და იგი მე-80 წუთზე გამოცვალეს, ხოლო 62-ე წუთზე ბაჩანა არაბულმა თანამემამულე ლაშა შინდაგორიძე შეცვალა. "ბალმაზივაროში" 24 ქულით ბოლო ადგილზეა და გავარდნა ემუქრება.

შვედეთი. სუპერეტანი. ზურაბ ცისკარიძის (90 წთ) "ესკილსტუნამ" სტუმრად "ფალკენბერგსთან" 0:2 წააგო პირველ ტურში.

ალბანეთი. სუპერლიგა. ირაკლი ძარიას "კუკესიმ" სტუმრად დაამარცხა "კამზა" - 1:0.

ბელორუსი. ვისშაია ლიგა. II ტურში გიორგი ქანთარიას "ნემანი" სტუმრად "სლუცკს" 1:1 ეთამაშა. ქართველმა ლეგიონერმა 90 წუთი დაჰყო მოედანზე.

ლატვია. ვირშლიგა. თამაზ პერტიას "ლიეპაიამ" "ვალმიერა" 4:0 გაანადგურა. რიგის დერბი "რიგასა" და "რიგასს" შორის ამ უკანასკნელმა 2:1 მოიგო. გამარჯვებულთა რიგებში ლაშა შერგელაშვილმა შეუცვლელად ითამაშა, ისევე, როგორც ბექა ვაჩიბერაძემ (გააფრთხილეს).

ესტონეთი. პრემიუმლიგა. ზაქარია ბეგლარიშვილის (90 წთ) "ფლორა" 0:0 დაუზავდა "ნარვას".

აზერბაიჯანი. პრემიერლიგა. ქართველთა "საბაილი" სტუმრად ლიდერ "ყარაბაღთან" დამარცხდა - 0:1. ნიკა აფაქიძემ შეუცვლელად ითამაშა, თამაზ ცერცვაძე მოედანზე 66-ე წუთზე შევიდა.

ყაზახეთი. პრემიერლიგა. ქართველთა "ყიზილ-ჟარი" ყარაღანდის "შახტართან" სტუმრად 1:2 დამარცხდა. გოგიტა გოგუამ და გიორგი ფოფხაძემ შეუცვლელად ითამაშეს; ორივე გააფრთხილეს. შოთა გრიგალაშვილი სათადარიგო იყო.

ჯაბა კანკავას გოლმა 68-ე წუთზე "ტობოლს" "ატირაუსთან" 3:2 მოაგებინა. საქართველოს ნაკრების კაპიტანმა შეუცვლელად ითამაშა. მეორე ტაიმში მის გვერდით უკვე ნიკა კვეკვესკირიც იყო.  ეს კანკავას პირველი ოფიციალური გოლია ყაზახეთში.


ლაშა კასრაძის (90 წთ) "ჟეტისუმ" "კაისარს" 1:0 მოუგო.

უზბეკეთი. სუპერლიგა. გიორგი კვესიეშვილის (სათადარიგო) და ელგუჯა გრიგალაშვილის (66-ე წუთზე გამოცვალეს) "ყიზილქუმი" შინ "ბუნიოდკორთან" დამარცხდა - 0:1. შოთა არველაძის "ფახთაქორი" სტუმრად "ბუხარასთან" დამარცხდა - 0:1. კახა მახარაძის (90 წთ) "ლოკომოტივმა" შინ 1:1 ითამაშა "კოკანდთან".

აშშ. MLS. ვაკო ყაზაიშვილის "სან ხოსე" სტუმრად "ფილადელფიას" 1:1 ეთამაშა. საქართველოს ნაკრების შემტევი 88-ე წუთზე შეცვალეს.