დღეს, 30 აგვისტოს, თბილისის დროით 06:30 საათზე მლს-ის 26-ე ტურში ქართველების "სან ხოსემ" "დალასი" 4:3 დაამარცხა.
ვაკო ყაზაიშვილმა სეზონის ერთ-ერთი საუკეთესო მატჩი ჩაატარა. მან მლს-ის დასავლეთ დივიზიონის პირველადგილოსან გუნდს დუბლი შეუსრულა და გადამწყვეტი საგოლე გადაცემაც გააკეთა, რისი საშუალებითაც მათ შეხვედრა მოიგეს.
ყაზაიშვილმა თავი მე-15 და 42-ე წუთებზე გამოიჩინა. პირველი გოლის დროს მეტოქის მცველების დაბნეულობით ისარგებლა და ანგარიში გაათანაბრა, მეორე გოლის შემთხვევაში კი თავისი ტექნიკური შესაძლებლობები მაქსიმალურად წარმოაჩინა და გულშემატკივარს ულამაზესი გოლი შესთავაზა.
მიუხედავად ამისა, მატჩის 62-ე წუთამდე ანგარიში 3:3 იყო, თუმცა ბოლოს ისევ ჩვენებურმა გამოიჩინა თავი და ვონდოლოვსკმა მისი პასით გამარჯვების გოლი გაიტანა.
რაც შეეხება მეორე ქართველს, გურამ კაშიამაც შეხვედრა სრულად ჩაატარა. მიუხედავად გამარჯვებისა, ქართველთა გუნდი კონფერენციაში ბოლო ადგილზეა და პლეი-ოფის ზონას 18 ქულა აშორებთ.
ვაკო ყაზაიშვილს მიმდინარე სეზონში 8 გოლი და 4 საგოლე გადაცემა დაუგროვდა.
08:35 30-08-2018
ვაკოს დუბლი და საგოლე გადაცემა - ქართველის სუპერმატჩი ამერიკაში [VIDEO]
AutoSharing Option
მკითხველის კომენტარები / 14 /
მოწონებების მიხედვით
თარიღის მიხედვით
რაც შეეხება კაშიას აშკარად არ ყოფნის სისწრაფე. თუ არ ჩამოვა საერთოდ დიდ სირცხვილს გადაურჩება! ვერ არის ფორმაში! მაგრამ კობიაშვილი და ლგბტ თემი ინვალიდის ეტლითაც რომ იყოს, მაინც ათამაშებენ! უეფას და მსოფლიო ლგბტ-ს კოჭი ხომ უნდა გაუგორონ! ცოდვაა კაშია, მაგარ გაუგებრობაშია მოხვედრილი. გადააქციეს ქართველი კაცი ლგბტ-ს დროშად!
4
2
სან ხოსეს 7 ნომერმა რომ მესამე გოლი შეაგდო არიენ რობენის სტილში ნამდვილი შედევრი იყო! ძალიან კარგ გახსნილ ფეხბურთს თამაშობენ. მალე გაიზრდება ეს ლიგა და 5 წელიწადში ნბა -ს მსგავსად უძლიერესი იქნება!
2
0
ყველა კომენტარი
გააკეთეთ კომენტარი
ასევე დაგაინტერესებთ
![ვაკო ყაზაიშვილის გოლი და საგოლე პასი ჩინეთის ჩემპიონატის ბოლო ტურში [VIDEO]](/pictures/image7/d6c709ea9eff9593884afc34c3f9ed10.png "ვაკო ყაზაიშვილის გოლი და საგოლე პასი ჩინეთის ჩემპიონატის ბოლო ტურში [VIDEO]")
![ჩემპიონთა ლიგა. III ტური: "რეალის" დიდებული ქამბექი და ქართველების გუნდების მორიგი წაგებები [VIDEO]](/pictures/image7/85f031dd491ca88e3b38145aab7d675a.jpeg "ჩემპიონთა ლიგა. III ტური: \"რეალის\" დიდებული ქამბექი და ქართველების გუნდების მორიგი წაგებები [VIDEO]")
უძრავი ქონება
სიახლეები
პოპულარული
