შვედეთის ჩემპიონატის 25-ე ტურში გიორგი ხარაიშვილის "გეტებორგმა" საკუთარ მოედანზე ფრეს მიაღწია აუტსაიდერ "ტრელებორგთან" - 2:2. მატჩს 7 889 მაყურებელი დაესწრო.
დიახ, მიაღწია, რადგან 1:2-ს აგებდა, 90+5-ე წუთზე მსაჯმა სტუმართა გუნდის ნახევარმცველი ზორან იოვანოვიჩი პირდაპირი წითელი ბარათით გააძევა, 90+10-ე წუთზე კი ხარაიშვილმა, რომელმაც კვლავ შეუცვლელად ითამაშა, საჯარიმოდან გაიტანა ჩინებული გოლი და თავის გუნდს ქულა მოუპოვა.
გიორგი მატჩის საუკეთესო მოთამაშედ აღიარეს.
მან ქვეყნის მიმდინარე პირველობის 22 შეხვედრაში 7-ჯერ დალაშქრა მეტოქეთა კარი.
"გეტებორგი" 25 ქულით მე-12 ადგილზეა და 22 ოქტომბერს გასვლაზე "ბრომაპიოკარნას" ხვდება.
უჭირს გიორგი ხარაიშვილის "გეტებორგს", ძალიან უჭირს და ის უკეთეს გუნდში თამაშს იმსახურებს
![ჩაკვეტაძის ორი საგოლე პასი და ტრავმა - "სლოვანმა" სტუმრად მოულოდნელად "ბაზელს" სძლია [VIDEO]](/pictures/image7/835b9596c8aca5496d4e13edc7dfc4e5.jpg "ჩაკვეტაძის ორი საგოლე პასი და ტრავმა - \"სლოვანმა\" სტუმრად მოულოდნელად \"ბაზელს\" სძლია [VIDEO]")
