ფოტოები: goal.com.cy/gff.ge
თემურ ქეცბაიამ უკვე გააფორმა ფამაგუსტას "ანორთოსისთან" ორწლიანი კონტრაქტი და მუშაობასაც შეუდგა, ამის შესახებ ინფორმაციას გამოცემა goal.com.cy ავრცელებს.
კვიპროსული მედიასაშუალებების მტკიცებით კი, ხორვატი მცველი გორდონ შილდენფელდი ზაფხულში კლუბიდან წასვლას გეგმავდა, "ანორთოსისის" ხელმძღვანელობამ კი მასთან მოლაპარაკებებზე ქეცბაიაც მიიწვია.
ქართველმა სპეციალისტმა შილდენფელდს საკუთარი გეგმები გააცნო, რის შემდეგაც გამოცდილმა ხორვატმა მცველმა კლუბთან ახალი კონტრაქტის გაფორმება გადაწყვიტა.
ანალოგიური პროცესი წარიმართა კიდევ ერთი ლეგიონერის, სლოვაკი ანდრაჟ სტრუნას შემთხვევაშიც, რომელიც ქეცბაიას მოსვლის გამო კლუბს აღარ შეიცვლის.
გარდა ამისა, "ანორთოსისში", სადაც ამ დროისთვის ბექა მიქელთაძე და
ნიკა კაჭარავა ასპარეზობენ, ქართველი ლეგიონერების რიცხვი, შესაძლოა, კიდევ გაიზარდოს. ქეცბაიამ უკვე შეათანხმა ორწლიანი კონტრაქტი თორნიკე ოქრიაშვილთან, რომელიც ამჟამად უკლუბოდაა.
არაა გამორიცხული, ზაფხულში "ანორთოსისის" რიგებში გამოცდილი მეკარე გიორგი ლორიაც გამოჩნდეს, რომელთანაც ქეცბაიას კარგი ურთიერთობები აკავშირებს.
![alt](/pictures/image50/585428ca6293c5389b08efe5ed33f53a.jpg "ოქრიაშვილი და ლორია ქეცბაიასთან "ანორთოსისში"?")
ლეგიონის უქმეები: 7 ქართული გოლი სანაკრებო პაუზის შემდეგ [VIDEO]![alt](/pictures/image50/bd6808c5bacb3fb539fee56d245a3321.jpg "ოქრიაშვილი და ლორია ქეცბაიასთან "ანორთოსისში"?")
"გენტი" ქართველების გარეშე "ბრიუგესთან" განადგურდა![alt](/pictures/image50/92f19de85b89dc7c3147bca46e447b1a.jpg "ოქრიაშვილი და ლორია ქეცბაიასთან "ანორთოსისში"?")
საბა ლობჟანიძემ "რანდერსს" "ოლბორგთან" გამარჯვება მოაპოვებინა [VIDEO]![alt](/pictures/image50/7ee03dda7423673097edbaac3a01e3b6.png "ოქრიაშვილი და ლორია ქეცბაიასთან "ანორთოსისში"?")
ელგუჯა ლობჯანიძემ ყაზახეთის ჩემპიონატში ზედიზედ მეორე შეხვედრაში გაიტანა [VIDEO]
