რუსული კლუბების სატრანსფერო გეგმების შესახებ ჟურნალისტი ნობელ არუსტამიანი მუდამ ოპერატიულად და ობიექტურად იუწყება. ამჯერად მან მოსკოვის "ლოკომოტივის" ქართველი ფეხბურთელების, საბა კვირკველიასა და ხვიჩა კვარაცხელიას შესახებ გაავრცელა ინფორმაცია.
"ღიად რჩება "ლოკომოტივში" ქართველი ლეგიონერების ბედი. კვირკველიაზე ადრეც დავწერე: მხარეები კონტრაქტის გაგრძელებაზე აწარმოებენ მოლაპარაკებას, თუმცა ჯერ ხელშეკრულება არ გაფორმებულა.
ხვიჩა რკინიგზულ გუნდში იჯარითაა და "ლოკომოტივი" ჯერჯერობით "რუსთავისგან" მისი ტრანსფერის სრულად გამოსყიდვაზე შეთანხმებას ვერ ახერხებს. საიჯარო ხელშეკრულებაში კონტრაქტის გამოსყიდვის პუნქტი არაა შეტანილი, რაც მოლაპარაკების პროცესს ართულებს.
როგორც მრავალრიცხოვანი აგენტები ამტკიცებენ, 18 წლის კვარაცხელიას სამსახურით ევროპული
გუნდები სერიოზულად არიან დაინტერესებულნი, პირველ რიგში, პორტუგალიური, ბელგიური და გერმანული კლუბები. ისინი ხვიჩას პოტენციალს ხედავენ და შეძენის შემდეგ პერსპექტივაში მის ტოპ-ლიგაში უკვე უფრო დიდ თანხად გაყიდვას ისახავენ მიზნად", - წერს არუსტამიანი თავის ტელეგრამ-არხზე.
![alt](/pictures/image50/9364930355ac8951e751edab306ed032.jpg "ხვიჩა კვარაცხელიას "ლოკომოტივში" იჯარა უმთავრდება - მისი სამსახურით ევროპული კლუბები დაინტერესდნენ")
matchtv.ru: საბა კვირკველიას "ლოკომოტივის" დატოვება 3.6 მლნ ევროდ შეუძლია
![კვარაცხელია შეიძლება ოქტომბერშიც სერია A-ს საუკეთესო ფეხბურთელი გახდეს [PHOTO]](/pictures/image7/07fd9b9fed2eb5e0337002d74685d5c6.jpg "კვარაცხელია შეიძლება ოქტომბერშიც სერია A-ს საუკეთესო ფეხბურთელი გახდეს [PHOTO]")
