"რუბინის" საიტმა საქართველოს ახალგაზრდული ნაკრების ნახევარმცველთან, ზურიკო დავითაშვილთან კონტრაქტის გაფორმება იუწყა.
18 წლის დავითაშვილს ყაზანურმა კლუბმა სამსეზონიანი ხელშეკრულება გაუფორმა და 11-ნომრიანი მაისურა გადასცა.
დავითაშვილი "რუბინში" ზამთარშიც იმყოფებოდა, მაგრამ მაშინ დარჩენა არ ისურვა და დროებით თბილისის "ლოკომოტივში" გააგრძელა კარიერა.
ცნობისათვის, "რუბინი" მწვრთნელმა კურბან ბერდიევმა დატოვა, 42 წლის რომან შარონოვი ჩაუდგა სათავეში (ჯერჯერობით მთავარი მწვრთნელის მოვალეობის შემსრულებელია) და გუნდი სერიოზულად გადახალისდება.
რუსეთის პრემიერლიგა 15 ივლისს აიღებს სტარტს - "რუბინი" პირველ ტურში მოსკოვში "ლოკომოტივს" შეხვდება.
"ზამთარში ძალიან მინდოდა "რუბინში" დარჩენა, ყველაფერი ამისკენ მიდიოდა, მაგრამ ბოლო მომენტში დოკუმენტებთან დაკავშირებით პრობლემა წარმოიშვა და ჩემი აქ გადმოსვლა გადაიდო. ახლა "რუბინში" ვარ და ძალიან ბედნიერი გახლავართ.
სანამ გადმოვიდოდი, "რუბინის" ყოფილ ფეხბურთელს, ლაშა სალუქაძეს ვესაუბრე და მან კარგად დამიხასიათა გუნდი და ქალაქი, მითხრა, რომ კლუბი სახელგანთქმულია თავისი ატმოსფეროთი. აგრეთვე ველაპარაკე მოსკოვის "ლოკომოტივის" ნახევარმცველ ხვიჩა კვარაცხელიას, რომელიც ჩემი მეგობარია. მან ძალიან მიქო რუსეთის ლიგა, მითხრა, რომ აქ განსავითარებლად ყველა პირობაა", - განუცხადა დავითაშვილმა კლუბის საიტს.
![alt](/pictures/image50/8854e402cf75b47697e0e9dc4d696942.jpg "ზურიკო დავითაშვილი "რუბინში" გადავიდა")
ზურიკო დავითაშვილი კარიერას, დიდი ალბათობით, რუსეთში გააგრძელებს![alt](/pictures/image50/6eebfad9927a4da043f718f6bbd69abd.png "ზურიკო დავითაშვილი "რუბინში" გადავიდა")
ჯერ "ლოკომოტივი" მერე "გენტი" - ზურიკო დავითაშვილი ბელგიელებთან მოლაპარაკებას Sportall.ge-სთან ადასტურებს![alt](/pictures/image50/ff45c2ef7c2e59811aeee883467c20da.jpg "ზურიკო დავითაშვილი "რუბინში" გადავიდა")
"ლოკომოტივი" ხმელთაშუა ზღვის ტურნირზე "ატლეტიკოსთან" პენალტების სერიაში დამარცხდა - დავითაშვილის შესანიშნავი ჯარიმა [VIDEO]![Sportall.Ge](/pictures/artimages/original/c41d6bcf28c3701ca96b30d78e300d2e.jpg "ზურიკო დავითაშვილი "რუბინში" გადავიდა [VIDEO]")
![დავითაშვილი "სენტ ეტიენიდან" საუკეთესო იყო - "რონის დერბიში" მიქაუტაძის "ლიონმა" გაიმარჯვა [VIDEO]](/pictures/image7/3648f8518e853edeb3f5ff0d4405d123.jpg "დავითაშვილი \"სენტ ეტიენიდან\" საუკეთესო იყო - \"რონის დერბიში\" მიქაუტაძის \"ლიონმა\" გაიმარჯვა [VIDEO]")
![საფრანგეთში დავითაშვილის გოლი ოქტომბერში საუკეთესოდ აღიარეს [VIDEO]](/pictures/image7/f5bc16efcae7a6bb99f709b1d8be1904.jpg "საფრანგეთში დავითაშვილის გოლი ოქტომბერში საუკეთესოდ აღიარეს [VIDEO]")
