ლევან მჭედლიძე და "ემპოლი" დაშორდნენ - 13-წლიანი ისტორიის დასასრული

AutoSharing Option
დღეს, 30 ივნისს საქართველოს ნაკრების თავდამსხმელ ლევან მჭედლიძეს "ემპოლისთან" კონტრაქტი ეწურება და კლუბს დატოვებს.

ლევანი ტოსკანურ კლუბში 2006 წელს, 16 წლის ასაკში მივიდა, სადაც ორი სეზონის განმავლობაში ახალგაზრდულ გუნდში თამაშობდა, 18 წლის ასაკში კი ის "პალერმოში" გაანათხოვრეს, სადაც ორი წლის განმავლობაში 11 მატჩი ჩაატარა და 1 გოლი გაიტანა - ჯანლუიჯი ბუფონის კარში.

შემდეგ იყო უამრავი და გაუთავებელი ტრავმები.

საუკეთესო სეზონი ლევანს 2015-16 წლების სეზონში ჰქონდა, როდესაც სერია A-ს 15 შეხვედრაში 6 გოლის გატანა მოახერხა. წარმატებული სერია მაშინაც ტრავმამ შეწყვიტა, რომლის
შემდეგაც ქართველმა შემტევმა მთელი შემდეგი სეზონი გამოტოვა.

სულ "ემპოლის" რიგებში ლევან მჭედლიძის ანგარიშზე 152 მატჩში 19 გატანილი გოლია.

ჯერჯერობით უცნობია, სად გააგრძელებს კარიერას 29 წლის თავდამსხმელი.

altვაკო ყაზაიშვილის გოლი და საგოლე პასი ზლატანის გუნდის წინააღმდეგ [VIDEO]

 

Sportall.Ge

მკითხველის კომენტარები / 8 /
იტალიაში ფულს ტყუილად არავინ ჰყრის და მიუხედავად ამდენი ტრავმისა,ლევანმა 13 წელი რომ გასძლო,ეს იტალიელების მხრიდან მისი პოტენციალისა და თავგანწირვის დაფასებას ნიშნავს.ლევანი არც საქართველოს ნაკრებში უფრთხილდებოდა თავს და ზოგიერთი ჩვენგანისაგან მასზე ასეთი უსულგულო კომენტარები,დაუმსახურებლად მიმაჩნია.იმედი მაქვს ლევანი შეძლებს ქრონიკული ტრავმების მორჩენას და კარიერის უფრო მეტი წარმატებით გაგრძელებას
სოსო
12:27 01-07-2019
0
მერე რას მიაღწია 13 წლის მანძილზე,არაფერს. 2 წლის განმავლობაში 11 მატჩი,მაგარია.მერე ტრამვები,ასეთი რამეები ქართველების მეტს არავის არ ემართება,წადით რა ბაბაია და დომინო ითამაშეთ.
მახა
11:09 01-07-2019
7

სიახლეები პოპულარული