ბელორუსის სოლიგორსკის "შახტიორში" ახლახან გადასულმა ნახევარმცველმა ლაშა შინდაგორიძემ პირველივე მატჩში გამოიჩინა თავი.
"მეშახტეებმა" საკუთარ მოედანზე 6:0 გაანადგურეს გროდნოს "ნემანი", შინდაგორიძე კი 74-ე წუთზე შევიდა შეცვლაზე და 87-ე წუთზე თავურით გოლი გაიტანა.
ნამატჩევს ჩვენებური მწვრთნელმა სერგეი ტაშუევმა შეაქო: "შეასრულა. ბურთი კარგად მიაწოდეს, დაარტყა. დაარტყა, ვფიქრობ, ყველაფერი დაინახა და სიტუაცია შეაფასა, სპეციალურად მოჭრა ბურთი შორეულ კუთხეში. ეპიზოდი ძალიან ხარისხიანად დაასრულა. ის შევისწავლეთ და ვიცოდით, რაც შეუძლია. ჰქონდა მომენტი და გამოიყენა. თუმცა, მთლიანობაში ჯერ ადაპტაცია სჭირდება. გასაგებია, ეს ასე ადვილი არაა".
ლაშა "შახტიორში" "საბურთალოდან" 6 აგვისტოს გადავიდა და კონტრაქტი 2021 წლის ზაფხულმდე გაუფორმეს.
"შახტიორი" 17 ტურის შემდეგ 34 ქულით მესამე ადგილზეა, პირველადგილოსან ბრესტის "დინამოს" 8, ხოლო მეორეადგილოსან "ბატეს" 6 ქულით ჩამორჩება და თან 2 მატჩით ნაკლები აქვს ჩატარებული.
სოლიგორსკელები 18 აგვისტოს, მორიგ ტურში სტუმრად "სლუცკს" შეხვდებიან, იქამდე კი, 15 აგვისტოს, ევროპა ლიგის მესამე საკვალიფიკაციო ეტაპის განმეორებით შეხვედრაში "ტორინოს" უმასპინძლებენ. ცნობისათვის, პირველი მატჩი ტურინულმა გუნდმა 5:0 მოიგო.
"ევროტურნირები "საბურთალოში" უნდა ჩამემთავრებინა, მაგრამ..." - ინტერვიუ ლაშა შინდაგორიძესთან
