23 წლის ქართველმა ფეხბურთელმა ლევან შენგელიამ თურქეთის სუპერლიგის კლუბ "ქონიასპორში" გადასვლის შემდეგ პირველი კომენტარი გააკეთა.
"ქონიაში ჩამოსვლის წუთიდან გაოცებული დავრჩი ინფრასტრუქტურითა და სტადიონით. წარმომიდგენია, რამდენად შესანიშნავი ატმოსფერო მელოდება წინ. ეროვნულ ნაკრებში ტრანსფერის წინა დღეებში გამომიძახეს, რაც ასევე ძალიან მახარებს. სანაკრებო მატჩების დამთავრებისთანავე ჩამოვალ ქონიაში და შევუდგები მუშაობას.
აღფთოვანებული ვარ ასეთი თბილი დახვედრით და ამ ყველაფრისთვის მადლობა მინდა გადაგიხადოთ. ამის შემდეგ სხვა მიზანი აღარ დამრჩენია, გარდა იმისა, რომ "ქონიასპორს" სარგებელი მოვუტანო. მინდა მივესალმო ჩვენი გუნდის ფანებს და ვუთხრა, რომ მოუთმენლად ველოდები მათთან შეხვედრას", - აღნიშნა ლევან შენგელიამ "ქონიასპორის" ოფიციალურ საიტთან საუბრისას.
შენგელიამ თურქულ კლუბთან 2+1-წლიანი კონტრაქტი გააფორმა და "ქონიასპორში" 19-ნომრიანი მაისურით ითამაშებს. იქამდე კი ეროვნულ ნაკრებშია გამოძახებული და სამხრეთ კორეასა და დანიის წინააღმდეგ გასამართი თამაშებისთვის მოემზადება.
ლევან შენგელიამ "კონიასპორთან" კონტრაქტი გააფორმა - ნახეთ, როგორი ვიდეორგოლი მიუძღვნეს! [VIDEO] 
![როგორ ითამაშა კვარაცხელიამ ალბანეთთან - დეტალური ანალიზი ილუსტრაციით [PHOTOS]](/pictures/image7/d7f6cfc230adee8f246a1573d55143af.jpg "როგორ ითამაშა კვარაცხელიამ ალბანეთთან - დეტალური ანალიზი ილუსტრაციით [PHOTOS]")
