გუშინ, 7 იანვარს, კვიპროსის ჩემპიონატის მე-15 ტურში გასვლაზე "პაფოსთან" მოგებულ შეხვედრაში საქართველოს ნაკრებისა და ფამაგუსტის "ანორთოსისის" მეკარე გიორგი ლორიამ კარი მშრალად შეინახა და ლამაზი "სეივიც" შემოგვთავაზა.
შეხვედრის 79-ე წუთზე გიორგიმ ლამაზი ნახტომით აშკარა გოლისაგან იხსნა საკუთარი გუნდი. ეს 13 შეხვედრიდან მე-7 შემთხვევა იყო, როცა ლორიამ კარი მშრალად შეინახა. გიორგის სულ 8 გოლი აქვს გაშვებული და მასზე უკეთესი შედეგი მხოლოდ "აპოელის" მეკარე ვიდ ბელეკს აქვს (7), თუმცა სლოვენიელმა ლორიაზე 3 თამაშით ნაკლები ჩაატარა.
შემდეგი ტური ძალიან მნიშვნელოვანი იქნება ქართველთა გუნდისათვის, რადგან ტიტულისთვის ბრძოლაში ერთ-ერთ მთავარ კონკურენტ "აპოელს" შეხვდებიან. მატჩი "ანორთოსისის" სტადიონზე 12 იანვარს გაიმართება.
![alt](/pictures/image50/21c4e7e8aa7dc05cb8b11744acfb148a.jpg "გიორგი ლორიას ძალიან ლამაზი "სეივი" "პაფოსის" წინააღმდეგ გამართულ მატჩში [VIDEO]")
ტორნადოსებრი "ანორთოსისის" გამარჯვება, დაუშვილის ტრავმა და კაჭარავას ახალი ვარცხნილობა
