matchtv.ru-მ წერილი გამოაქვეყნა რუსეთის პრემიერლიგის ყველაზე პერსპექტიულ 7 ფეხბურთელზე და მათ შორის ყურადღება "რუბინის" ქართველ ლეგიონერებზე - ზურიკო დავითაშვილსა და ხვიჩა კვარაცხელიაზე გაამახვილა.
"ძალიან მალე ისინი ძალიან გაძვირდებიან. პრემიერლიგის ყველაზე პერსპექტიული ფეხბურთელები, რომლებსაც უახლოეს ნახევარ წელიწადში ყურადღებით უნდა მივადევნოთ თვალი
ზურიკო დავითაშვილი - 18 წლის. შემტევი ნახევარმცველი. 15 მატჩი - 1 გოლი
სეზონის სტარტზე გაბრწყინებულ რომან შარონოვის გუნდში შესამჩნევი ფიგურა იყო. დრიბლიორი კარგი პასით. მხოლოდ ერთ სეზონში გადააბიჯა საქართველოს ლიგის დონიდან პრემიერლიგამდე. რაც მთავარია - 18 წლისაა. ცოტა ხნის წინ უეფამ
50 ტოპ-ფეხბურთელს შორის შეიყვანა, რომელთაც შეუძლიათ 2020 წელს თავი წარმოაჩინონ. უკვე იასპარეზა საქართველოს ნაკრებში.
ხვიჩა კვარაცხელია - 18 წლის. ფლანგის ნახევარმცველი. 17 მატჩი - 2 გოლი და 1 საგოლე გადაცემა.
აქამდე გაუგებარია, ასეთი ტალანტი ზაფხულში "ლოკომოტივმა" ხელიდან როგორ გაუშვა. სიომინმა ამის გამო უკმაყოფილება სახალხოდ გამოხატა. თუმცა ახლა ის "რუბინის" ფეხბურთელია. შემოდგომაზე ეპიზოდურად გაიბრწყინებდა ხოლმე. ამიტომ სლუცკის ერთ-ერთი მთავარი ამოცანაა, კვარაცხელია უფრო სტაბილური გახადოს. მაშინ ის არა მარტო ყაზანური გუნდის ძირითად შემადგენლობაში დამკვიდრდება, არამედ ევროპული კლუბებისთვისაც არანორმალურად საინტერესო გახდება. საამისოდ ხვიჩას ყველაფერი აქვს: ტექნიკა, კოორდინაცია, მომენტის ალღო. ეს ყველაფერი რეალიზაციის საკითხია. ახლა (გამოხმაურებით) ქართველი შეკრებაზე გუნდში ერთ-ერთი საუკეთესოა."
გამოცემამ პერსპექტიულთა შორის აგრეთვე ანდრეი მოსტოვოი (სოჭი), დანილ ფომინი (უფა), დანილ ლესოვოი (არსენალი), ანტონ ზინკოვსკი (კრილია სოვეტოვი) და ნიკიტა კალუგინი (სოჭი) დაასახელა.
ხვიჩა კვარაცხელიამ დანიელები დაამცირა [VIDEO]
სლუცკი: ზურიკო დავითაშვილი "ათიანის" პოზიციაზე შესანიშნავია
![უჩვეულოდ უგერგილო "ნაპოლი" სახლში "ატალანტასთან" განადგურდა [VIDEO]](/pictures/image7/40051a6c801e297acf1dca2dd797b179.jpg "უჩვეულოდ უგერგილო \"ნაპოლი\" სახლში \"ატალანტასთან\" განადგურდა [VIDEO]")
ჩაკვეტაძე, კვარაცხელია, დავითაშვილი, კიტეიშვილი, ხარაიშვილი.
ეს ძველი გვარდია გასაშვებია