ბრიტანეთის ეროვნულმა სამაუწყებლო კომპანია BBC-მ საკუთარ ვებგვერდზე გოლის ყველაზე გამორჩეული აღნიშვნები გაიხსენა და სტატიაში თემურ ქეცბაიას ცნობილი მოქმედებაც შეიყვანა.
აი, რას წერს საიტი ქართველის შესახებ:
"ეს აღნიშვნა იმდენად არის გაკერპებული, რომ სწორედ ამ მოქმედებით ახსოვთ თემურ ქეცბაია მთელ ინგლისში. 1998 წლის იანვარში გამართული შეხვედრის ბოლო წუთზე "ნიუკასლის" მაისურით "ბოლტონის" კარში გატანილი გოლის შემდეგ ქართველმა მაისური გულშემატკივრებში მოისროლა და ბუცების გახდას ცდილობდა, იქამდე კი გამეტებით ურტყამდა სარეკლამო ბანერებს და თანაგუნდელმა ფილიპ ალბერტმაც ვერ შეუშალა ხელი.
იმისათვის, რომ ქეცბაიას თამაშის დასრულება შეძლებოდა,
თავად ალან შირერი გახდა იძულებული, ქართველის მაისური ფანებისაგან დაებრუნებინა. ალბათ, ეს ფეხბურთის ისტორიაში გოლის ყველაზე აგრესიული აღნიშვნა იყო.
თემურ ქეცბაია "ნიუკასლ იუნაიტედში" 1997 წელს, 29 წლის ასაკში ათენის "აეკიდან" გადავიდა და გუნდში 3 წელი დაჰყო. ამის შემდეგ 1 სეზონი "ვულვერჰემპტონში" გაატარა, 1 - "დანდიში" და 2002 წლიდან კარიერის დასრულებამდე (2006 წ.) ფამაგუსტის "ანორთოსისის" ღირსებას იცავდა.
ქეცბაია: საქართველოს ნაკრების ფეხბურთელების გუნდში აყვანის ბედნიერება მხვდა წილად
ქეცბაიამ განმარტა, რატომ გამოუშვა დაუშვილი და ანანიძე საქართველოში
ინგლისს კიდევ ერთი გრანდი ეყოლება - არაბები ახალ კლუბს ყიდულობენ
