soccer365: კვარაცხელია ვინისიუსს ჰგავს, იქნებ სლუცკი "ჩელსიში" გადასვლაში დაეხმაროს

AutoSharing Option
რუსული გამოცემა soccer365 აქვეყნებს სტატიას პრემიერლიგაში მოთამაშე ახალგაზრდა და პერსპექტიულ 3 ფეხბურთელზე და მათ შორის, ერთ-ერთ "ალმასად" ყაზანის "რუბინისა" და საქართველოს ნაკრების გარემარბ ხვიჩა კვარაცხელიას ასახელებს.

Sportall.ge სტატიის იმ ნაწილის თარგმანს გთავაზობთ, რომელიც ქართველ ფეხბურთელს ეხება.

რითი დაგვამახსოვრა თავი?

"რუსთავიდან" იჯარის წესით აყვანილი კვარაცხელიას ბრწყინვალე თამაშმა ის "ლოკომოტივის" ფანებს ისე შეაყვარა, როგორც ეს ამ კლუბის მოთამაშე ქართველებთან დაკავშირებით ხდებოდა.

თუმცა ამ კომეტის შენარჩუნება "რკინიგზელებმა" ვერ მოახერხეს და კვარაცხელიამ გრძელვადიანი კონტრაქტი "რუბინთან" გააფორმა, რომელიც კიდევ ერთი "ქართული" კლუბია.

სიმბოლურია ის, რომ
"ლოკოს" შემადგენლობაში ხვიჩამ ერთადერთი გოლი "რუბინს" გაუტანა, ხოლო "რუბინის" სადებიუტო მატჩში "ლოკომოტივს" გაუტანა.

ფიცხი, სწრაფი და ემოციური ფეხბურთელები სიომინის ხელში ყოველთვის შესანიშნავად თამაშობდნენ და ისეთი გარემარბის გაშვება, რომელიც მყარად დაიკავებდა ალან კასაევის ადგილს, ადვილი არ იყო.

ხვიჩა თავის საყვარელ ფეხბურთელად გუტის ასახელებს და როგორც ჩანს, მარჯვენა გარემარბად 4-2-3-1 სქემაში თამაში მისი ბედი იყო, თუმცა "რუბინში" გადასვლის შემდეგ, უფრო ჩაკეტილი სქემიდან გამომდინარე, ყველაფრის თითქმის ნულიდან დაწყება მოუწია.

ფეხბურთელი რუსეთის პრემიერლიგის საუკეთესო 5-ეულში შედის წარმატებული დრიბლინგების მხრივ და ამასთანავე, ოსტატურად ფლობს "კიბერსპორტისთვის" დამახასიათებენ ფინტებს.

სუსტი მხარეები

რომან შარონოვი ხვიჩასაგან მცირე გამთამაშებლის მიღებას ცდილობდა - მოტყუებები, კარგი გახსნა, ეშმაკური პასები, ფლანგური პრესინგი. სამწუხაროდ, ამ როლურმა მოდელმა ქართველის სუსტი მხარეები გამოაჩინა - საკმარისად ვერ აკონტროლებს თამაშის ტემპს, სწარაფად გადაწყობა არ შეუძლია, ბურთს დიდხანს აყოვნებს, რაც სავსებით ლოგიკური ახალგაზრდული ეგოიზმია.

სლუცკის ხელში კი, რომელიც კლუბის დისციპლინას უდიდეს ყურადღებას აქცევს, კვარაცხელიამ ფიცხი ხასიათი გამოავლინა და საერთოდ არასაჭირო წითელი ბარათი მიიღო.

რა გვიჩვენა 19/20 წლების სეზონში?

მიუხედავად იმისა, რომ ხვიჩა როტაციის ფეხბურთელია (რაც გამოწვეულია არა მხოლოდ ახალგაზრდა ფეხბურთელის ფიზიკური ფორმით, არამედ ლიმიტის გამოც), ყველა თამაშში დასამახსოვრებელ რამეს აკეთებდა.

აი, ქართველის ხასიათი კი მთელი სეზონის განმავლობაში მწვრთნელებისთვის მუშაობის ობიექტი იყო. ბუნებრივია, "ახმატისა" და "ლოკომოტივის" კარში გატანილი ორი გოლი საკმარისი არაა. თუმცა იმედია, სლუცკი სხვადასხვა პრობლემის გადაჭრას შეძლებს, მაგალითად, შეტევასა და დაცვას შორის დიდი გარღვევა, რაც ხვიჩას უშლის ხელს, კონტაქტი ჰქონდეს იგივე ზუევთან.

აღსანიშნავია, რომ კვარაცხელია შესანიშნავ ფორმაშია, თუმცა იმასთან შეგუება უწევს, რომ მისი გუნდი წარმატების მექანიზმს ეძებს.

ვის წააგავს?

როგორც წესი, ბოლო დროს ყველა ახალგაზრდა გარემარბს ჯეიდონ სანჩოსა და კილიან მბაპეს ადარებენ, თუმცა კვარაცხელიას თვისებები წააგავს ვინისიუსისას მადრიდის "რეალიდან" და თუ მას არა, "ვერდერის" გარემარბ მილოტ რაშიცას. მთავარია, ის ახალი ჯანო ანანიძე არ გახდეს - 10 წლის წინ ნიჭიერი ქართველის ქებამ რეალურ საზღვრებს გადააჭარბა.

რომელიმე ტოპ-კლუბი არის მისით დაინტერესებული?

უნდა ვაღიაროთ, რომ სლუცკის მიერ შეცვლილ "რუბინში" თავის დამკვიდრება ადვილი არაა. ხვიჩას შესახებ დადიოდა ხმები, რომ მისით პორტუგალიური, ბელგიური და გერმანული კლუბები იყვნენ დაინტერესებულნი. თუმცა, "ჩელსისთან" სლუცკის ძველი კავშირების გათვალისწინებით, იქნებ ხვიჩა ჰოჯსონ-ოდოის სრულყოფილ შემცვლელად ვიხილოთ - რატომაც არა?!

მკითხველის კომენტარები / 5 /
შარონოვი,მისგან პატარა გამთამაშებლის გამოყვანას ცდილობდაო.ჩემი აზრით,ხვიჩას სწორედ სათამაშო აგრესია და გამწვავებაზე წასვლა აკლდა.თამაშს თავის თავზე არ იღებდა,თითქოს ბრძოლას გაურბისო.მაგრამ თუ მიდიოდა,ატყუებდა კიდეც.მას მხოლოდ თავდაჯერებულობის მომატება სჭირდება.საერთოდაც რუბინის თავდასხმა,თითქოს კარდაკარგული თამაშობს,წვრილ პასებზე ხურდავდება და სიმწვავეს ჰკარგავს.კარის წინ არ ჰყავთ აქცენტირებული კაცი,რომელსაც ბურთს მისცემენ და კარში დაარტყავს.
სოსო
08:56 14-05-2020
0
Rato chamogviyalibda es chveva qartvelebs arvici, jer armomxdara da ukve vzeimobt yvela ama tu im virtyalur carmatebas. Vis arunda rom xvicham carmatebas miagcios? An giorgi chakvetadzem romelic dacyebuli romadan damtavrebuli barselonati yvelgan gadayavdat statiebshi. Darcmunebuli var es cudad moqmedebs fexburtelebzec radgan xalxs molodini uchndeba ama tu im gundshi gadasvlis rac matze zecolas zrdis. Carmatebebi xvichas, gios da titoeul qartvel fexburtels.
Milani
22:25 13-05-2020
1

ასევე დაგაინტერესებთ
სიახლეები პოპულარული