კარგა ხანია ქართველი ფეხბურთელის ესოდენ ლამაზი და კარგი თამაში არ გვინახავს - ხვიჩა კვარაცხელიამ "ურალთან" ჩემპიონატის 23-ე ტურში თქვენი მოწონებული გოლი გაიტანა და ბაკაევს გამარჯვების გოლიც გაატანინა.
ტელეარხმა "მატჩ პრემიერმა" ქართველი მატჩის საუკეთესო ფეხბურთელად სამართლიანად აღიარა.
"სოვეტსკი სპორტმა" ხვიჩას დიდებულ თამაშს გაუსვა ხაზი და აღნიშნა, რომ ორივე გოლი მისი ორგანიზებული იყო.
"ბიზნეს ონლაინი" წერს, რომ ეს კვარაცხელიას საუკეთესო მატჩი და ბენეფისი იყო.
sports.ru-მ წერილიც კი მიუძღვნა ჩვენებურს:
"ხვიჩამ "ურალი" სუპერმოდურად დაამარცხა.
ეკატერინბურგში "რუბინი" თითქმის მთელი პირველი ტაიმი უფერულად ირჯებოდა, ცეცხლი
აკლდა და ეს ხვიჩა კვარაცხელიამ შესძინა.
კუთხურისას ის ადვილად შეიჭრა თავისუფალ ზონაში და ყველაფერი იდეალურად შეასრულა. ეს მიმდინარე სეზონში კუთხურის შედეგად "რუბინის" პირველი გატანილი გოლია.
მომართულმა ხვიჩამ მეორე ტაიმის დასაწყისში ყველაფერი გააკეთა იმისათვის, რათა სოლტმურად ბაკაევს ჩემპიონატზე პირველი გოლი გაეტანა. მან ცარიელ კარში შეაგდო ბურთი.
დიდად იმედისმომცემი ხვიჩასთვის ეს სეზონში მესამე გოლი და მეორე საგოლე გადაცემაა. მან პირველად განახორციელა სეზონში ერთზე მეტი შედეგიანი მოქმედება. ყველა წინა შეხვედრები, რომლებშიც მან თავი გამოიჩინა, 1:1 დასრულდა. ახლა ხვიჩა მძლვრად ჩაერთო, თამაში გადაატრიალა და "რუბინმა" გაიმარჯვა".
![alt](/pictures/image50/bb2091aa2d91c477ded933b6c3d344d2.jpg "ხვიჩამ "ურალს" მოუგო - რუსული მედია აღფრთოვანებულია")
კვარაცხელიამ ჯერ სასწაული გოლი გაიტანა, ხოლო შემდეგ სამეფო ასისტი გააკეთა [VIDEO]![alt](/pictures/image50/5ee44c60fbe6297087ff617fbe08e67a.jpg "ხვიჩამ "ურალს" მოუგო - რუსული მედია აღფრთოვანებულია")
რუსული გამოცემა: "რუბინს" კვარაცხელიასა და დავითაშვილზე მსურველთა რიგი უდგას
