ქართული ფეხბურთი

ლეგიონერები

დავით ხოჭოლავა უკრაინის ჩემპიონი გახდა [PHOTO]

AutoSharing Option
უკრაინის პრემიერლიგის 27-ე ტურში დავით ხოჭოლავას "შახტარმა" კიევის "ოლიმპიისკის" სტადიონზე "ოლეკსანდრია" 3:2 დაამარცხა და ვადამდე გახდა ჩემპიონი.

დონეცკურმა გუნდმა ზედიზედ მეოთხედ, მთლიანობაში კი მეცამეტედ მოიპოვა ოქროს მედლები. ცნობისათვის, კიევის "დინამო" თხუთმეტგზის ჩემპიონია.

Sportall.Ge

ამ მატჩში ხოჭოლავა 86-ე წუთზე ალან პატრიკის ნაცვლად შევიდა შეცვლაზე. მან მიმდინარე ტურნირის 9 შეხვედრაში მიიღო მონაწილეობა.

"ჩვენ უკრაინის ჩემპიონები ვართ! ვულოცავთ ყველა გულშემტკივარს! სადაც არ უნდა იყოთ, თქვენს მხარდაჭერას ვგრძნობთ", - წერს დონბასური კლუბი "ტვიტერზე".

ნამატჩევს "მეშახტეებმა" ჩემპიონის მორიგი მოპოვებული ტიტული იზეიმეს.

Sportall.Ge