სადაც არა სჯობს, გაცლა სჯობს - ის დროა, კვირკველიამ "ლოკომოტივი" დატოვოს

AutoSharing Option
მწვრთნელ იური სიომინის წასვლის შემდეგ მოსკოვის "ლოკომოტივში" საბა კვირკველიას მდგომარეობა გაურთულდა.

კვირკველიას ამ სეზონის პირველ ნახევარში იშვიათად ათამაშებდნენ. ბოლოს სიომინმა, როგორც იქნა, ძირითად შემადგენლობაში დააბრუნა და კორონავირუსის გამო ჩემპიონატიც შეჩერდა. მერე სიომინს კონტრაქტი არ გაუგრძელეს და მის ნაცვლად სერბი მარკო ნიკოლიჩი დანიშნეს.

სიომინმა ერთ-ერთ ინტერვიუში მიანიშნა, რომ კლუბის გენერალურმა დირექტორმა ვასილ კიკნაძემ კვირკველიას გაისამდე მოქმედი ხელშეკრულებით გათვალისწინებული თანხის ნახევრის აღება და გუნდიდან წასვლა შესთავაზა.

დღეს, 21 ივნისს, რუსეთის
პრემიერლიგის 23-ე ტურში "ლოკომოტივმა" საკუთარ მოედანზე 1:0 დაამარცხა ერთ-ერთი აუტსაიდერი "ორენბურგი". კვირკველია სათადარიგო იყო. არადა, თავისი გამოცდილების, კლასის, კლუბისადმი დამსახურების და სარგებლიანობის მხრივ, ის ასეთ დამოკიდებულებას აშკარად არ იმსახურებს და ალბათ, კლუბის ხელმძღვანელობა გასაქანს არ მისცემს. თანაც, არაა საბა იმ ასაკში, რომ სათადარიგოთა სკამზე იჯდეს და იმას ელოდოს, როდის ვინმე დისკვლიფიკაციას ან ტრავმას მიიღებს.

როგორც "ლოკოს" ფანებმა დააანონსეს, პროტესტის ნიშნად მე-20 წუთზე დატოვეს სტადიონი, იქამდე კი სკანდირებდნენ:

"მხოლოდ სიომინი იური პალიჩი, ეი-ეი" და კლუბს კიკნაძის გადაყენებისკენ მოუწოდებდნენ.

მკითხველის კომენტარები / 7 /
ბათუმის დინამო
კლოპი
21:54 22-06-2020
1
საბამ თვითონ იცის თავისი საქმე.... მაგრამ გულშემატკივრის თვალსაზრისით, მისი სათამაშო ამპლუიდან და პოტენციალიდან გამომდინარე, მთლად ტოპ ჩემპიონატების გრანდში თუ არა, საშუალო დონის კლუბში ალბათ არ უნდა გაუჭირდეს თამაში.... რათქმაუნდა ნაკრების ინტერესებიც გასათვალისწინებელია და რაც უფრო დროულად მოხერხდება ისეთ გუნდში გადასვლა, სათამაშო ფორმა რომ აკრიფოს უკეთესია ..... ამასთანავე, მისი ასაკიდან და ამპლუიდან გამომდინარე, საბა ჯერ კიდევ შეძლებს რამოდენიმე წელი მაღალ დონეზე თამაშს... წარმატებები!!!
.........
18:18 22-06-2020
0

ასევე დაგაინტერესებთ
სიახლეები პოპულარული