მეოთხე საკონტროლო მატჩში "გენტმა" 3:0 დაამარცხა საფრანგეთის ლიგა 1-ის "მეცი". გოლები უკრაინელებმა - რომან იარემჩუკმა (2) და იგორ პლასტუნმა გაიტანეს. გიორგი ქვილითაიამ შესვენების შემდეგ იარემჩუკი შეცვალა, გოლის გატანაც შეეძლო, მაგრამ მეკარემ არ დაანება, ტრავმირებულ გიორგი ჩაკვეტაძეს კი არ უთამაშია. ნამატჩევს გუნდის მწვრთნელმა იეს ტორუპმა ჩაკვეტაძის მდგომარეობაზეც ისაუბრა.
"ჩაკვეტაძეს მუხლის მცირე პრობლემა ჰქონდა, მაგრამ სკანირებამ დადებითი შედეგი აჩვენა. მე მის მოედანზე დაბრუნებას მომავალ კვირაში ველი.
ასეთი მოტივირებული იარემჩუკი ჯერ არ მინახავს. თუ ასევე გააგრძელებს, მაგარ სეზონს ჩაატარებს. დორშის დებიუტითაც კმაყოფილი ვარ,
საგოლე გადაცემა გააკეთა. ეტყობა, კარგი ფეხბურთელია. ასეთი ტიპის მოთამაშე გვაკლდა.
ჯონათან დავიდთან ხანგრძლივი საუბარი მქონდა. ის ფსიქოლოგიურად სათამაშოდ მზად არ იყო. ყველამ ვიცით, რას ფიქრობს. მინდა შაბათს "ზულტე-ვარეგემთან" სპარინგის განაცხადში შევიყვანო. ტრავმის შიშით არ უნდოდა ეთამაშა და არ გავრისკე. ისიც მინდოდა მენახა, მის გარეშე რას წარმოვადგენთ", - განუცხადა ტორუპმა hln.be-ს.
ბელგიური პრესის ცნობით, დავიდს "ლილი" იწვევს და ფრანგულ კლუბში გადასვლა უნდა, მაგრამ "გენტი" ტრანსფერში 35 მილიონს ითხოვს.
"გენტმა" უკრაინელების გოლებით გაიმარჯვა - ქვილითაია შეცვლაზე შევიდა
nieuwsblad.be: ჩაკვეტაძეს მუხლის სახსარში სითხე აქვს ჩამდგარი, ქვილითაიას კი - მცირე ტრავმა
![ჩაკვეტაძის "უოტფორდმა" "ბარნლისთან" მარცხი განიცადა [VIDEO]](/pictures/image7/59344f6e743315672cc5c042a240cbea.jpeg "ჩაკვეტაძის \"უოტფორდმა\" \"ბარნლისთან\" მარცხი განიცადა [VIDEO]")
!["უოტფორდის" გამარჯვება და ჩაკვეტაძის მაღალი შეფასებები [VIDEO]](/pictures/image7/5d38583265f3ee89d12e48417463bb95.jpg "\"უოტფორდის\" გამარჯვება და ჩაკვეტაძის მაღალი შეფასებები [VIDEO]")
