ერთ-ერთმა ყველაზე პოპულარულმა რუსულმა სპორტულმა გამოცემა Sports.ru-მ "სოჭისა" და "რუბინის" მატჩს ვრცელი სტატია მიუძღვნა და ტექსტში ქართველი გარემარბის, ხვიჩა კვარაცხელიას თამაში გამოჰყო.
"ხვიჩა კვარაცხელია "რუბინის" თამაშში ნათელი წერტილია. ყაზანელთა შეტევის უმეტესი წილი (მთელი 48%) სწორედ ქართველის ფლანგზე გადის, ეს კი "რაღაცაზე" მეტყველებს...
კვარაცხელია ისეთი ფეხბურთელია, რომელსაც არაფრისგან შეუძლია მომენტის შექმნა, გუნდისთვის მნიშვნელოვანი ჯარიმის მოპოვება, მეტოქის ბარათზე "დასმა". ქართველს ეს ყველაფერი ძალიან მარტივად გამოსდის.
"სოჭის" წინააღმდეგ სწორედ ხვიჩამ გამოიმუშავა პენალტი, რომელიც იგნატიევმა გოლად გარდასახა. სწორედ კვარაცხელიამ გაუკეთა საგოლე გადაცემა მაკაროვს.
საერთოდაც,
"რუბინის" სახიფათო მომენტებს თუ ავიღებთ, თითქმის ყველა შემთხვევაში კვარაცხელიას ცენტრალური როლი აქვს. ხვიჩას უფრო მაღალი დონის თანაგუნდელები რომ ჰყავდეს, გოლს+პასის სისტემით ქართველი ლეგიონერი ლიგის ლიდერებში იქნებოდა."
მოპოვებული პენალტი, საგოლე გადაცემა - ხვიჩას ძალისხმევა ამაო გამოდგა [VIDEO] 
