ესპანური სპორტული საიტის, lavozdeasturias.es-ის ინფორმაციით, ქართველი ნახევარმცველი გიორგი აბურჯანია "რეალ ოვიედოსთან" კონტრაქტის გაფორმებასთან ძალიან ახლოსაა.
კარბაიონელები (ოვიედოს უბის სახელი) 25 წლის ფეხბურთელთან მოლაპარაკებებს აწარმოებენ, რათა აბურჯანია პრინციპალიტის დედაქალაქში უფასოდ გადავიდეს.
საიტი წერს, რომ ქართველი ნახევარმცველი ძალიან ტექნიკურია, სასტარტო სისწრაფე კარგი აქვს, შეუძლია ბურთის კარგად წაღება და არც დარტყმას უჩივის. მას, როგორც საყრდენზე, ისე შემტევ ნახევარმცველადაც შეუძლია თამაში.
"რეალ ოვიედოში" გიორგის ორი ყოფილი თანაგუნდელი თამაშობს: სერხიო ტეხერა და მოსა, რომლებთან ერთადაც ტარაგონის "ხიმნასტიკში" გამოდიოდა.
თავად გუნდმა სეგუნდა დივიზიონის გასული სეზონის სატურნირო
ცხრილში მე-15 ადგილი დაიკავა. "სევილიას" საკუთრება გიორგი აბურჯანია კი ენსხედეს "ტვენტეში" გამოდის.
"ტვენტეს" აბურჯანიას გუნდიდან დელიკატურად გაგდება უნდა
გიორგი აბურჯანიამ ძალიან ლამაზი ჯარიმა გაიტანა [VIDEO]
![ხვიჩა ახალ როლში, მისი საგოლე პასი და ოსიმენისა და სიმეონეს დუბლი [VIDEO]](/pictures/image7/c5a32470b834243e413df9ddfe107e7e.jpg "ხვიჩა ახალ როლში, მისი საგოლე პასი და ოსიმენისა და სიმეონეს დუბლი [VIDEO]")
