რუსეთის ჩემპიონატის მე-13 ტურში "რუბინმა" ყაზანში 3:1 დაამარცხა ტულის "არსენალი".
მასპინძელთა გარემარბმა ხვიჩა კვარაცხელიამ მორიგი კარგი მატჩი ჩაატარა, აქტიური იყო და 33-ე წუთზე საჯარიმოში დრიბლინგისას გაზონზე აღმოჩნდა, თუმცა მსაჯს უთხრა, რომ წესების დარღვევას ადგილი არ ჰქონია. 53-ე წუთზე კი სოლტმურად ბაკაევს საგოლე პასი გაუკეთა. ის 85-ე წუთზე შეცვალეს და მატჩის საუკეთესო ფეხბურთელად დაასახელეს.
სტუმართა გუნდში შეუცვლელად ითამაშა მცველმა გია გრიგლავამ.
"რუბინი" 21 ქულით მე-6 ადგილზეა და 8 ნოემბერს მოსკოვის ოლქში "ხიმკის" დაუპირისპირდება.
![ხვიჩა შეცვლაზე შევიდა - "ნაპოლიმ" "ჯენოას" სძლია [VIDEO]](/pictures/image7/8823115fa3399d5eb0e970d0eddb43b9.png "ხვიჩა შეცვლაზე შევიდა - \"ნაპოლიმ\" \"ჯენოას\" სძლია [VIDEO]")
