ლობჟანიძე: საქართველოს ნაკრებში კლოპი მინდა, ამ ჯგუფიდან გასვლა კი შეგვიძლია

"პირველ არხზე" გადაცემა "ტაიმაუტის" სტუმარი საქართველოს ნაკრებისა და "ანკარაგიუჯიუს" შემტევი საბა ლობჟანიძე გახლდათ.

26 წლის ფეხბურთელმა სხვადასხვა საინტერესო თემაზე ისაუბრა.

"ყოველთვის მინდოდა, რომ პრემიერლიგაში Boxing Day-ზე მეთამაშა. მართალია, თურქეთის სუპერლიგაში ვარ, მაგრამ ეს გადატვირთული კალენდარი ძალიან მომწონს.

მაისამდე თამაშები გვაქვს და მირჩევნია, რომ სულ თამაშები გვქონდეს, ვიდრე სეზონისწინა მოსამზადებელი ეტაპი და ა.შ.

ძალიან კარგ ფორმაში ვარ. მიხარია, რომ ბოლო თამაშებში თავი გამოვიჩინე და იმედი მაქვს, ასე განვაგრძობ.

მუნდიალის შესარჩევის კალენდარი ვნახე. რა თქმა უნდა, საუბარი ადვილია, მაგრამ რატომ არ შეიძლება,

რომ ჯგუფიდან გასასვლელად ვიბრძოლოთ?!

ძალიან რთული იქნება, თუმცა, თუ რამის მიღწევა გსურს, შვედეთს, საბერძნეთს და კოსოვოდან ერთ-ერთს რომ აჯობო, შეუძლებელი სულაც არაა.

არ მიფიქრია, თუ ვინ შეიძლება იყოს საქართველოს ნაკრების მომავალი მწვრთნელი. ერთადერთი, ალბათ, ვისაც ვისურვებდი, იურგენ კლოპია...

ახლა თურქეთის სუპერლიგის რამდენიმე უფრო ძლიერი გუნდიდან ჩემ მიმართ დაინტერესება არის, თუმცა ამაზე საუბარი ნაადრევია. ვნახოთ, როგორ განვითარდება მოვლენები", - თქვა ლობჟანიძემ.

alt საბა ლობჟანიძე: ნაწყენი ვარ...