30 წლის ქართველი ნახევარმცველი ლევან ყენია ამჟამად უგუნდოდაა და შემოთავაზებების მოლოდინშია.
ბოლოს ის გერმანიის მე-3 ლიგის ბინადარ "უერდინგერში" ვარჯიშობდა, თუმცა ამ კლუბში ვერ დარჩა.
ჩვენებური ამჟამად გერმანიაში ოჯახთან ერთად ცხოვრობს. ჩვენ ყენიას დავუკავშირდით და მისი გეგმებით დავინტერესდით.
"ამჟამად არანაირი შემოთავაზება არ მაქვს, ამიტომ ინდივიდუალურად ვვარჯიშობ და წინადადებებს ველოდები.
ჯერჯერობით არვიცი რა იქნება მომავალში. დავბრუნდები თუ არა საქართველოში? - შემოთავაზება არც ეროვნული ლიგის კლუბებიდან მქონია, თუმცა თუ რაიმე საინტერესო წინა
დადება იქნება, დავფიქრდები.
მინდა, რომ ფეხბურთი კვლავ ვითამაშო. კარიერის დასრულებას არ ვაპირებ და ვნახოთ რა იქნება".
ჩვენთან ბოლო ინტერვიუში ყენიას ნათქვამი ჰქონდა, რომ მის ძველ კლუბ "საბურთალოს" მასთან დავალიანება ჰქონდა და ფეხბურთელს ამის შესახებაც დავეკითხეთ.
"საბურთალომ" დავალიანების დაფარვაზე უარი მითხრა და ამიტომ საქმე სასამართლოშია გადასული, პროცესი კი ძალიან გაიწელა.
იმედი მაქვს, პროცესი მალე დასრულდება და სიმართლე გაიმარჯვებს", - თქვა ყენიამ.
![alt](/pictures/image50/bf7a625bfb08bfc9fcd4064887f2d3b6.jpg ""საქმე სასამართლოშია გადასული" - რა კარიერული გეგმები აქვს ლევანს ყენიას")
"იმედია, ჩივილი არ დამჭირდება" - "საბურთალო" ყენიას 5 თვის დავალიანებას არ უხდის, სად აპირებს კარიერის გაგრძელებას ფეხბურთელი
![საქართველოს თასის ფინალური მატჩის შემდეგ, გულშემატკივრებმა სტიუარდებს ფიზიკური შეურაცხყოფა მიაყენეს [VIDEO]](/pictures/image7/f0934612d6018858b98dd76342cf9900.png "საქართველოს თასის ფინალური მატჩის შემდეგ, გულშემატკივრებმა სტიუარდებს ფიზიკური შეურაცხყოფა მიაყენეს [VIDEO]")
![დრამატული ფინალი შეხლა-შემოხლითა და კომპენსირებულ დროში გატანილი გოლით - "საბურთალომ" თასი მოიპოვა [VIDEO]](/pictures/image7/e7cd1ebf6d55c8444c189b08bc806cb2.png "დრამატული ფინალი შეხლა-შემოხლითა და კომპენსირებულ დროში გატანილი გოლით - \"საბურთალომ\" თასი მოიპოვა [VIDEO]")
