Meta-ratings.kz-ის ინფორმაციით, 28 წლის ქართველი ფორვარდი ელგუჯა ლობჯანიძე კარიერას ყაზახეთის ჩემპიონატის ბინადარ "ტობოლში" განაგრძობს.
როგორც იწერება, მხარეებმა კონტრაქტის ყველა დეტალი უკვე შეათანხმეს და ჩვენებურიც მალე ახალ გუნდს შეუერთდება.
როგორც იცით, კოსტანიური კლუბის შემადგენლობაში წლების განმავლობაში ჯაბა კანკავა და ნიკა კვეკვესკირი ასპარეზობდნენ, რომლებმაც "ტობოლი" ზამთარში დატოვეს.
რაც შეეხება ლობჯანიძეს, ის გასულ სეზონში ყაზახური "კაისარის" ღირსებას იცავდა, სხვა დროს კი "ტარაზის", "რუსთავის", "ორენბურგის", ბათუმის "დინამოს", ქობულეთის "შუქურასა" და "ვიტ ჯორჯიას" ღირსებას იცავდა.
