ხან მთელი კვირა ისე გაილევა, ჩვენი ლეგიონერები თავს ვერაფრით გამოიჩენენ, დღეს კი გაგვახარეს, ერთობ. თანამემამულეებს თავდამსხმელი ბუდუ ზივზივაძეც არ ჩამორჩა.
უნგრეთის ჩემპიონატის 24-ე ტურში ბუდუს "ფეჰერვარი" საკუთარ მოედანზე "პაკშის" დაუზავდა (2:2), ქართველმა კი გოლი 64-ე წუთზე გაიტანა, ანგარიში 2:0 გახადა და 75-ე წუთზე შეცვალეს. ამის შემდეგ სტუმრებმა ანგარიშის გათანაბრება მოახერხეს და ფრეს მიაღწიეს.
ზივზივაძემ ჩემპიონატის 22 მატჩში 6-ჯერ დალაშქრა მეტოქეთა კარი, ხოლო მისი გუნდი 37 ქულით მესამე ადგილზეა და 7 მარტს გასვლაზე "ბუდაფოკის" შეხვდება.