ავსტრიის ბუნდესლიგის 23-ე ტურში "ვოლფსბერგერმა" საკუთარ მოედანზე "რაპიდს" უმასპინძლა და 1:8 დამარცხდა.
მატჩში გადამწყვეტი 29-ე წუთი აღმოჩნდა, როდესაც მასპინძელთა ქართველმა მცველმა ლუკა ლოჩოშვილმა ანგარიშით 0:1-ზე წითელი ბარათი მიიღო, რადგან სტუმართა ფორვარდ ერკან კარას წინააღმდეგ ძალიან უხეშად ითამაშა.
მატჩის შემდეგ ეს მომენტი ყურადღების მიღმა არ დაუტოვებია წარსულში ცნობილ ავსტრიელ თავდამსხმელ მარკ იანკოს, რომელიც ახლა ადგილობრივი Sky-ს სპორტული მიმომხილველია და მან ლოჩოშვილის ეპიზოდს შემდეგი შეფასება მისცა:
"ვფიქრობ, მაკგრეგორი ახლა მეტოქეებს ეძებს. ლოჩოშვილი ამისთვის კარგი ვარიანტი იქნება და მან ძალები Ufc-შიც უნდა სცადოს.
ჩემი
აზრით, ყველაფერი ნათქვამია, როდესაც 23 თამაშში 3 წითელ ბარათს მიიღებ. ამ შეხვედრაშიც ლოჩოშვილის გაძევებამ გადამწყვეტი როლი ითამაშა", - თქვა იანკომ.
აქვე გეტყვით, რომ "ვოლფსბერგერის" შემადგენლობაში კიდევ ერთი ქართველი გურამ გიორბელიძე მოედანზე 65-ე წუთზე გამოჩნდა.
![alt](/pictures/image50/eefe261021b6196a01d38e4baf69efd7.jpg ""ლოჩოშვილმა ძალები UFC-ში უნდა სცადოს და მაკრეგორს ეჩხუბოს" - ცნობილმა ავსტრიელმა ფეხბურთელმა ქართველს დასცინა")
ლოჩოშვილის კარატეს ილეთი და სეზონში მესამე გაძევება [VIDEO] 
![ორი ყვითელი ბარათი სამ წუთში - ლოჩოშვილი "მანტოვასთან" მატჩში გააძევეს [VIDEO]](/pictures/image7/22d97152cba3158260b8344de69671b2.jpg "ორი ყვითელი ბარათი სამ წუთში - ლოჩოშვილი \"მანტოვასთან\" მატჩში გააძევეს [VIDEO]")
