რუსეთის თასის 1/4-ფინალში გია გრიგალავას "არსენალი" საკუთარ მოედანზე დრამატულ მატჩში 1:2 დამარცხდა ცსკა-სთან და გათამაშებას გამოეთიშა, შეხვედრის დასრულების შემდეგ კი სტადიონის გვირაბში კონფლიქტი მოხდა. მივყვეთ თანმიმდევრობით:
33-ე წუთზე ტულელები ევგენი ლუცენკომ დააწინაურა. 48-ე წუთზე არმიელებმა ანგარიში გაათანაბრეს. 55-ე წუთზე მსაჯმა მეორე ყვითელი ბარათი უჩვენა ლუცენკოს და მასპინძლები კაცნაკლულები დარჩნენ, ხოლო 86-ე წუთზე დედაქალაქელებმა გამარჯვების გოლი გაიტანეს.
გრიგალავა სასტარტო შემადგენლობაში იყო და 90-ე წუთზე მწვრთნელმა მის ნაცვლად შეცვლაზე შემტევი ვლადისლავ პანტელეევი შეუშვა.
championat-ის ცნობით, ნამატჩევს არენის გვირაბში ინციდენტი მოხ
და. კერძოდ, გრიგალავა და "არსენალის" თავდამსხმელი გურამ აჯოევი-უმცროსი (ამავე კლუბის პრეზიდენტის, გურამ აჯოევის შვილია), რომელიც სათადარიგო იყო, თავს დაესხნენ ცსკა-ს მწვრთნელებს და თავის გახვრეტით დაემუქრნენ. ისინი ძალით გაათრიეს და ჩხუბი ამით დასრულდა. თუმცა გიას, ალბათ, ამის გამო დასჯიან.
გრიგალავამ ძიუბას გასაქანი არ მისცა, მისმა გუნდმა კი "ზენიტი" გამოაგდო
გრიგალავა გრიგალისებრ უტევდა და გოლიც გაიტანა
