ხვიჩას სახით ხელში ბრილიანტი ჩამივარდა. არ მინდა გავყიდო, - ამბობს "რუბინის" გენდირექტორი

AutoSharing Option
"რუბინის" გენერალურმა დირექტორმა რუსტემ საიმანოვმა თავისი გუნდის ნახევარმცველის, ხვიჩა კვარაცხელიას შესახებ "ჩემპიონატთან" ისაუბრა:

"ხვიჩას ტრავმა აქვს. ჯერ მისთვის მაგნიტო-რეზონანსული ტომოგრაფია არ ჩაგვიტარებია. სავარაუდოდ, სეზონის ბოლომდე ვერ ითამაშებს, ვინაიდან ფორმაში ჩასადგომად 2-3 კვირა დასჭირდება, თანაც გარისკვად არ ღირს.

ოფიციალურად კვარაცხელიას თაობაზე არავის მოუმართავს, მხოლოდ საუბრებია. ალბათ, თუ დიდი კლუბი ღირსეული წინადადებით მოგვმართავს, ხვიჩას არ დავიჭერთ. ბევრი რამ უნდა მოხდეს. თუმცა, რა თქმა უნდა, მე დიდხანს დავტოვებდი, რამეთუ შედეგის მიღწევაში გვეხმარება.

თუ ჩემპიონთა ლიგაზე გავედით, ტურნირზე მონაწილეობისთვის ეს კიდევ 30 მილიონი ევროა.
ჩემთვის კვარაცხელიას გუნდში დატოვებაა მომგებიანი, მე მისი გაყიდვის ამოცანა არ მაქვს. ხელში ბრილიანტი ჩამივარდა. თავის დროზე დომინგესის მთელი ძალებით დატოვებას ვცდილობდით, მაგრამ საბოლოოდ წავიდა და კარიერა არ აეწყო, დაიკარგა. აკურატული უნდა იყო. ბავშვური სურვილებით ნაკარნახევი ყველა გადაწყვეტილება როდი იქნება სწორი. ყველაფერი უნდა აეწყოს".


მკითხველის კომენტარები / 6 /
ხვიჩა ნაკრებში გვჭირდება. ამიტომ არ უნდა გადავიდეს სუპერლიგის გუნდებში. არსენალი, მანჩესტერ სიტი, მანჩესტერ იუნაიტედი, ჩელსი, ტოტენჰემი, ლივერპული, რეალი, ბარსელონა, ატლეტიკო, იუვენტუსი, ინტერი და მილანი არ გვაწყობს. დარჩა კიდევ ბევრი სხვა კარგი გუნდი: Napoli, PSG, Bayern, Leicester City, Leipzig, Wolfsburg, Dortmund, Sevilla, Ajax...
ქ. გ.
03:41 20-04-2021
1
ეხლა ისე არ მოხდეს მილანში გადავიდეს მერე იმ სუპერლიგის გამო ბანი დაადონ და ნაკრებში ვეღარ ითამაშოს
ზორბეგი
21:05 19-04-2021
0

სიახლეები პოპულარული