ხუმრობა როდია, როდესაც ფეხბურთელზე წერილებს პოპულარული ევროპული გამოცემები აქვეყნებენ. საქართველოს ნაკრებისა და "რუბინის" გარემარბმა ხვიჩა კვარაცხელიამ საყოველთაო ყურადღება მიიპყრო და მას სტატია as-მა მიუძღვნა.
ესპანეთთან თავგამოჩენილი ქართველით უკვე დიდი კლუბები დაინტერესდნენ
"ტუტოსპორტის" ცნობით, ხვიჩა კვარაცხელიას, რომელმაც ესპანეთის ნაკრებს გოლი გაუტანა, "იუვენტუსი" და "მილანი" ყურადღებით აკვირდებიან.
28 მარტს ესპანეთს კატარის 2022 წლის მსოფლიოს ჩემპიონატის შესარჩევ ტურნირზე სასიცოცხლოდ მნიშვნელოვანი მატჩი ჰქონდა. საბერძნეთთან ფრედ დასრულებული შეხვედრის შემდეგ საქართველოში ვიზიტისას 3 ქულის მოპოვება ესაჭიროებოდა, თუმცა იქ საიდუმლოებით მოცული, დიდი უმრავლესობისათვის უცნობი ხვიჩა კვარაცხელია ელოდა.
იმ დღეს 20 წლის ქართველის საფეხბურთო ტრაექტორია 180 გრადუსით შეიცვალა (Transfermarkt-ის მიხედვით მისი ფასი 15 მილიონ ევრომდე გაიზარდა).
ლუის ენრიკეს გუნდმა პირველი ტაიმი 0:1 წააგო და განგაშის წარმა ჩამოჰკრა. ამაში დამნაშავე მარცხენა გარემარბი კვარაცხელია იყო, რომელმაც ოსტატური გოლი გაიტანა და ნამდვილი კონცერტი ჩაატარა. მიუხედავად ქართველების წაგებისა, მისი თამაში შეუმჩნეველი არ დარჩენილა. გარდა გოლისა, ის სხვა კომპონენტებშიც შთამბეჭდავი გახლდათ: 13 მოგებული დუელი, 5 დრიბლინგი, 1 ჩაჭრა..
თუ ჩვენ ვიფიქრეთ, რომ მისი ესპანეთთან გაბრწყინება რაღაც შემთხვევითი იყო, ამის უარსაყოფად თავად იზრუნა. რამდენიმე დღის შემდეგ ისევ გაიტანა გოლი. ამჯერად საბერძნეთი დაამწუხრა და თავის გუნდს ფრე მოუპოვა. ამის მერე თავის კლუბში დაბრუნდა და "რუბინს" "სოჭისთან" მოაგებინა.
ასე რომ, ბოლო ორი თვე კვარაცხელიასთვის მართლაც შესანიშნავი გამოდგა. თვით იტალიური "ტუტოსპორტიც" კი აღნიშნავს, რომ საფუძვლიანად აკვირდებიან "იუვენტუსი" და "მილანი". მან ამ სეზონში ყაზანურ გუნდში 4 გოლი გაიტანა და 8 საგოლე გადაცემა გააკეთა და თავისი წინა წლების მაჩვენებლები გააუმჯობესა. ამდენად, როგორც ჩანს, რუსულ კლუბში საათებიღა დარჩა".
"კვარაცხელიას ამ სეზონში თამაში კიდევ შეუძლია" - სლუცკიმ ხვიჩას შესახებ ისაუბრა
![ხვიჩას მოპოვებული პენალტი - "ნაპოლიმ" "რომასთან" გამარჯვება ხელიდან გაუშვა [VIDEO]](/pictures/image7/86d2d860a4ac79e9cac8e973b4fd6636.jpg "ხვიჩას მოპოვებული პენალტი - \"ნაპოლიმ\" \"რომასთან\" გამარჯვება ხელიდან გაუშვა [VIDEO]")
მე პირადად პრემიერ ლიგაში ვისურვებდი ხვიჩას.