"ვფიქრობ, რომ ხვიჩას არაფრით ჩამოუვარდება..." - წარმოშობით ქართველი შემტევი

AutoSharing Option
რუსეთის რანგით მეორე ლიგის დასრულებამდე 5 ტურით ადრე 3 გუნდი, რომლებიც პრემიერლიგაში აღზევდნენ, ცნობილია, თუმცა მეოთხე ადგილისთვის უამრავი გუნდი იბრძვის. ერთ-ერთი კლუბი "ნეფტეხიმიკი" გახლავთ, რომლის საუკეთესო მოთამაშედაც წლების განმავლობაში თავდამსხმელი მერაბ ურიდია განიხილება.

"რუბინის" აღზრდილმა გასულ ტურში ჰეთ-თრიკი კარიერაში პირველად შეასრულა, ანგარიშზე კი უკვე 14 გოლი ჩაიწერა, რაც 28 წლის შემტევისთვის კარიერის საუკეთესო მაჩვენებელი გახლავთ. Metaratings-თან ინტერვიუში ქართველმა ფეხბურთელმა სხვადასხვა საინტერესო თემაზე ისაუბრა. გთავაზობთ ნაწილს, სადაც თავდამსხმელი ხვიჩას შეეხო და ის, არც მეტი, არც ნაკლები, ლიონელ მესის შეადარა...

- თქვენ
თქვით, რომ თავს ნამდვილ ქართველად თვლით, მიუხედავად იმისა, რომ რუსეთში გაიზარდეთ. უყურეთ საქართველოს ეროვნული ნაკრების შეხვედრებს?
- დიახ, ნაკრების თამაშის დროს ყოველთვის ვღელავ. ჩვენ ესპანეთთან ვიგებდით, თუმცა დასანანი მარცხი განვიცადეთ. მჯერა, რომ ამჟამინდელი თაობა მსოფლიოს ჩემპიონატზე გასვლას მოახერხებს. მე საქართველოსთან ჩემი გეგმები მაქვს. თუ კოვიდვითარება არ გაუარესდება, ზაფხულში იქ აუცილებლად დავისვენებ.

- "რუბინის" ახალგაზრდა ფეხბურთელებს, ხვიჩას და ზურიკოს თუ იცნობთ?
- არა, ეს სხვა თაობაა. ამ "რუბინიდან" მხოლოდ დენის მაკაროვთან ვსაუბრობ, რომელზეც ვფიქრობ, რომ ხვიჩას არაფრით ჩამოუვარდება.

- არის კვარა საქართველოში ყველაზე ძლიერი ფეხბურთელი?
- ამ მომენტში კი. ისტორიულად ქინქლაძისგან ძალიან შორსაა, რომელმაც თავის მხრივ, "მანჩესტერ სიტის" რიგებში პრემიერლიგა დაანგრია, თუმცა ხვიჩას ამ დონეზე სათამაშოდ ყველაფერი აქვს. თუ ის ძლიერ ჩემპიონატში წავა და 3-4 წელი უმაღლეს დონეზე ითამაშებს, მაშინ შედარება შესაძლებელი იქნება. ვფიქრობ, კვარა "მილანს" ყველაზე მეტად მოერგება. კალაძეს შეუძლია კლუბის ხელმძღვანელობას ხვიჩაზე ბევრი კარგი რამ უთხრას.

- რა არის განსაკუთრებით ძლიერი მასში?
- მისი დრიბლინგი ბურთის მუდმივ ფლობას ემყარება, ამ ყველაფრის გაკეთება კი ძალიან რთულია. ის ლიონელ მესის ჰგავს, ბურთს ფეხში ფლობს; განსხვავება კი ისაა, რომ ქართველი ბურთს მარჯვენა ფეხით ფლობს, საბოლოოდ კი მონახაზით ლეოს ჰგავს.

- ითამაშეთ საქართველოს ეროვნულ ნაკრებში?
- დიახ, როდესაც "რუბინში" ვიყავი, მქონდა შემოთავაზება, რომ მეთამაშა ახალგაზრდულ ნაკრებში. ამაზე დიდხანს ვფიქრობდი, თუმცა არ მინდოდა 19 წლის ასაკში რუსულ ლიგაში ლეგიონერი ვყოფილიყავი. ახლა ასეთი შემოთავაზება აღარ არის.

- თუ მიგიწვევენ, დათანხმდებით?
- ახლა არც კი დავფიქრდებოდი, დიდი სიამოვნებით გამოვხადდებოდი ეროვნული ნაკრების მაისურით. კეთილი შურით მშურს იმ ბიჭების, რომლებიც უმაღლეს ლიგაში საკუთარ ნაკრებს წარმოაჩენენ. რა თქმა უნდა, ხვიჩას სკაუტები "რუბინის" თამაშზე დაჰყვებიან, თუმცა ეროვნულ ნაკრებში ჩატარებული შეხვედრები შესაძლოა გარდამტეხი აღმოჩნდეს.

მინდა ამ გამოცდილების მიღება, რასაც ნაკრებში თამაში ჰქვია. მჯერა, რომ შევძლებ თავი ნაკრებსა და პრემიერლიგაში დავიმკვიდრო, მე ამ გამოწვევისთვის მზად ვარ.

მომზადებულია metaratings-ის მიხედვით

alt"ხვიჩა თვითნასწავლი არტისტია, რომელსაც უყვარს იმპროვიზაცია..." - ბერძენი ჟურნალისტი ხვიჩათი აღფრთოვანებულია

altკვარაცხელიას მამამ დაადასტურა: "იუვენტუსს" ხვიჩას დამატება სურს და აქტიური მოლაპარაკებები მიმდინარეობს!

alt"ამ ორ ქართველს შორის უამრავი პარალელის გავლება შეიძლება..." - რუსულმა პრესამ კვარაცხელია ქინქლაძეს შეადარა

მკითხველის კომენტარები / 13 /
მერაბ ურიდია დაიბადა ბათუმში. იზრდებოდა ბიძის-ამირან ურიდიას ოჯახში. მშობლები სოხუმიდან არიან. მშობლები ორი თვის მერაბისთან ერთად მოსკოვში გადავიდნენ.უმცროსი ძმა-გიორგი ურიდიაც ფეხბურთელია.
ნათი
17:35 05-05-2021
0
ყველაზე კარგად ხვიჩა შეაფასა ბერძენმა ჟურნალისტმა,რომელმაც თქვა:ხვიჩა თვითნასწავლი არტისტიაო,გაიგეთ რა თქვა?თვითნასწავლი არტისტიაო,რომელსაც უყვარს იმპროვიზაციაო.
მესის,რონალდოს,კაკას და ა.შ.ამ უდიდეს ფეხბურთელებს კი არ შეადარა,არამედ თვითნასწავლიაო,თვითნასწავლი ა.რ.ტ.ი.ს.ტ.ი.ა.ო, ე.ი. თავის თავს გავსო!
ნიანია ბაკურიანი
12:18 05-05-2021
0

ასევე დაგაინტერესებთ
სიახლეები პოპულარული