უნგრეთში მიმდინარე სეზონში ბუდუ ზივზივაძემ მე-11 გოლი გაიტანა.
კარგა ხანი არ ჰქონდა "ფეჰერვარის" თავდამსხმელ ბუდუ ზივზივაძეს მადიარეთში გოლი გატანილი და ისევ გამოიჩინა თავი, თანაც როგორ!
ბუდუ მტკ-სთან ბუდაპეშტში მოგებული მატჩის (3:1) 75-ე წუთზე შევიდა შეცვლაზე, მოედნის ცენტრთან მცველი ლამაზი ფინტით მოატყუა, დრიბლინგით საჯარიმოში შეიჭრა და მეტოქის კარი დალაშქრა.
ზივზივაძემ ამ სეზონში ჩემპიონატზე 8, ხოლო თასზე 3 გოლი გაიტანა.
"ფეჰერვარი" ჩემპიონატზე მესამე ადგილზეა და თასის ფინალშიც გავიდა, სადაც გიორგი ბერიძის "უიპეშტს" შეხვდება.