რუსეთის პრემიერლიგის უკანასკნელ ტურში ვოლგოგრადის "როტორმა" მსაჯის მიერ კომპენსირებულ დროში ყაზანის "რუბინისგან" პენალტი გაუშვა და გათამაშებას დაემშვიდობა.შეხვედრაში "როტორელ" საბა კვირკველიას საგოლე შანსი ჰქონდა, თუმცა ქართველი მცველის დარტყმული მიზანს მცირედით ასცდა. ზურიკო დავითაშვილი კი, რომელიც "რუბინის" საკუთრებაა და ვოლგოგრადულ კლუბში იჯარით გამოდიოდა, football.kulichki-მ ტურის სიმბოლურ ნაკრებში შეიყვანა.
"დავითაშვილი თავისი კლუბის წინააღმდეგ განსაკუთრებული მონდომებით თამაშობდა და უბრალოდ, ფლანგი აიკლო. ზურიკო დაცვასაც ეხმარებოდა და მწვავედაც უტევდა - კარგად მიდიოდა დრიბლინგზე, თამაშს საკუთარ თავზე იღებდა და ურტყამდა. აღსანიშნავია, რომ მის მცდელობებს სიზუსტე აკლდებოდა.
თუკი კვარაცხელია "რუბინს" დატოვებს, ზურიკოს კარგი შანსი ექნება, ყაზანურ კლუბში სათამაშო დრო მიიღოს".
მომზადებულია football.kulichki-ს მიხედვით
![alt](/pictures/image50/cef38089790356faa23a85247d8c5ceb.jpg ""თუკი ხვიჩა "რუბინს" დატოვებს, დავითაშვილს შანსი მიეცემა" - ზურიკო ტურის სიმბოლურ ნაკრებშია")
დრამა ყაზანში - "რუბინმა" დამატებით წუთებზე "როტორი" ელიტიდან გააგდო
