გიორგი მიქაუტაძის "მეცმა" მოსამზადებელი ეტაპი დაგეგმა და ახალი სეზონის დაწყებამდე შვიდ ამხანაგურ შეხვედრას გამართავს - ამის შესახებ კლუბის ოფიციალური გვერდი იუწყება. ფრანგებს ერთ-ერთი დაპირისპირება ბელგიურ "გენტთან" ექნებათ, სადაც გიორგი ჩაკვეტაძე გამოდის. უახლოესმა შეხვედრებმა უნდა გამოაჩინოს, მთავარი მწვრთნელი ფედერიკ ანტონეტი მომავალ სეზონში ქართველ ფორვარდს რამდენად დაეყრდნობა."მეცი" 23 ივლისს ლუქსემბურგულ RFCU-ს დახურულ კარს მიღმა შეხვდება, დანარჩენი მატჩების დასწრებასთან დაკავშირებით კი გადაწყვეტილება მოგვიანებით, ეპიდემიოლოგიური ვითარების გათვალისწინებით მიიღება. "გენტთან" მატჩი 25 ივლისს
დაიგეგმა.
"მეცი" კიდევ ერთ ბელგიურ კლუბ "ანდერლეხტს" დაუპირისპირდება. დაზუსტებულია ორ მეტოქესთან - "დიჟონსა" და "სტრასბურთან" თამაშიც.
შეგახსენებთ, "მეცს" უკვე ორი ამხანაგური მატჩი ჰქონდა, მიქაუტაძის ანგარიშზე კი ერთი გოლია. რაც შეეხება "გენტს" - ჩაკვეტაძემ, დიდხნიანი პაუზის შემდეგ, ნიდერლანდური "უტრეხტის" წინააღმდეგ (0:3) 60 წუთი ითამაშა. ქართველის გუნდს ნორვეგიულ "ვოლერენგასთან" კონფერენს ლიგის მეორე საკვალიფიკაციო ეტაპზე აქვს შეხვედრები გასამართი და მალე ბელგიის ჩემპიონატიც სტარტს აიღებს.
მიქაუტაძემ ყოფილი კლუბის წინააღმდეგ მეორე ტაიმში ითამაშა
დაიწყო, დაიწყო - მიქაუტაძემ "მეცში" სეზონის პირველი გოლი გაიტანა [VIDEO]
გიორგი ჩაკვეტაძემ "გენტში" უკვე 1 საათი ითამაშა
ჩაკვეტაძისა და კვარაცხელიას გუნდები კონფერენს ლიგისთვის ემზადებიან
![ჩაკვეტაძის საგოლე გადაცემა, ბაიოს პოკერი და "უოტფორდის" შესანიშნავი გამარჯვება შეფილდში [VIDEO]](/pictures/image7/8cba2da339929885c5d68cc5183c3bf3.jpg "ჩაკვეტაძის საგოლე გადაცემა, ბაიოს პოკერი და \"უოტფორდის\" შესანიშნავი გამარჯვება შეფილდში [VIDEO]")
![მიქაუტაძე შეცვლაზე შევიდა - "ლიონმა" სტუმრად "ლილთან" ქულა გადაარჩინა [VIDEO]](/pictures/image7/d85286a98a6feceb65d3a010ff2581c0.jpg "მიქაუტაძე შეცვლაზე შევიდა - \"ლიონმა\" სტუმრად \"ლილთან\" ქულა გადაარჩინა [VIDEO]")
