დანიის სუპერლიგის მეორე ტურში დავით ხოჭოლავას "კოპენჰაგენი" საკუთარ მოედანზე "სილკებორგს" დაუზავდა - 0:0. თუმცა, რომ არა ჩვენებური, შეიძლებოდა დამარცხებულიყო კიდეც.
ამ მატჩში მონაწილეობა ვერ მიიღო დაცვის ცენტრში ხოჭოლავას მეწყვილე ნიკოლაი ბოილესენმა, რომელიც წინა ტურში გააძევეს. გუნდს ვერც მცველი ვიქტორ ნელსონი დაეხმარა და დავითთან ერთად ტანდემში შვედმა მარიოს ოიკონომ ითამაშა.
tipsbladet.dk აღნიშნავს, რომ ქართველი ცენტრბეკი თავის გუნდში საუკეთესო იყო, მეტოქეებს გასაქანი არ მისცა, ყველა ორთაბრძოლა მოუგო და დასწრებაზეც საუცხოოდ ირჯებოდა.
კლუბის საიტი იტყობინება, რომ ხოჭოლავა სრულიად დამსახურებულად აღიარეს "კოპენჰაგენის" საუკეთესო ფეხბურთელად.
29 ივლისს "კოპენჰაგენი" კონფერენს ლიგის საკვალიფიკაციო ეტაპის განმეორებით მატჩში ბელარუსში "ტორპედო-ბელაზს" დაუპირისპირდება (სახლში 4:1 დაამარცხა), ხოლო 1-ელ აგვისტოს ჩემპიონატის მესამე ტურში სტუმრად "ოდენსეს" შეხვდება.
![alt](/pictures/image50/a491f55fbb74d7bc02af004e09e69342.jpg "ხოჭოლავა "კოპენჰაგენში" ბრწყინავს - ის საუკეთესოდ აღიარეს")
"იმედია შვილი ჩემით იამაყებს" - ხოჭოლავას ინტერვიუ "კოპენგაჰენის" ვებ-გვერდთან
![ჩემპიონთა ლიგა. 1/8-ფინალი: "ლაიფციგს" გოლი არ ჩაუთვალეს, "რეალმა" გაიმარჯვა - "სიტი" ცალი ფეხით მეოთხედფინალშია [VIDEO]](/pictures/image7/7f5ab2c87187c5d71420637edfe93d09.jpeg "ჩემპიონთა ლიგა. 1/8-ფინალი: \"ლაიფციგს\" გოლი არ ჩაუთვალეს, \"რეალმა\" გაიმარჯვა - \"სიტი\" ცალი ფეხით მეოთხედფინალშია [VIDEO]")
!["რეალმა" კომპენსირებულ დროში მოიგო, "კოპენჰაგენი" ფრეს დასჯერდა [VIDEO]](/pictures/image7/9eb2d36effaaaa64e402e5f6163c0c8a.jpg "\"რეალმა\" კომპენსირებულ დროში მოიგო, \"კოპენჰაგენი\" ფრეს დასჯერდა [VIDEO]")
