წამყვანმა ესპანურმა სპორტულმა გამოცემებმა "მილანთან" ნამატჩევს "ვალენსიას" მეკარე გიორგი მამარდაშვილი შეაქეს.
as: "დღეს გამოჩნდა, რომ ბორდალასის შემადგენლობა სანახევროდ შერჩეულია. გუნდში საუკეთესონი მამარდაშვილი, ალდერეტე და პაულისტა იყვნენ.
კარგი შეხვედრა ჩატარა მამარდაშვილმა. მან ბრახიმ დიასის დარტყმული ბურთი მოიგერია და "მესტალიას" თავისი პირველი აპლოდისმენტები მოსწყვიტა. თუ სილესენმა ტრავმა ვერ მოირჩინა, შეუძლია პირველი მეკარე გახდეს."
"მარკა": "მე-60 წუთზე სწორედ მამარდაშვილმა, წინასასეზონო მატჩების ერთ-ერთმა სენსაციამ, ბრახიმს გოლი არ გაატანინა, არც ლეაოს და "ვალენსია" ნარინჯისფერ თასს დაეუფლა.
მატჩი მშვიდად მიდიოდა პენალტების სერიისაკენ, როდესაც სპარინგისათვის არადამახასიათებელი კონფლიქტი
მოხდა. შეხლა-შემოხლაში აგრეთვე მონაწილეობა სათადარიგო ფეხბურთელებმა მიიღეს".
"მუნდო დეპორტივო": "ვალენსიამ" კარგი მატჩი ჩატარა ოთხშაბათს "მილანთან". საკმაოდ კარგი იყო დაცვა - მეკარე მამარდაშვილის წარმატებული ასპარეზობით. მან ორჯერ თავისი გუნდის გადარჩენით სიამოვნება მიიღო და ლა ლიგის სტარტს კარგ ხასიათზე ხვდება".
მამარდაშვილის ჩინებული მატჩი "მილანთან" და პირველი ტიტული "ვალენსიაში" [VIDEO]
